ភ្នំពេញ: (ព័ត៌មានបឋម) នាវេលាម៉ោង ៣និង១០នាទីរសៀលថ្ងៃទី២៦ ខែធ្នូ ឆ្នាំ២០២១ ស្ថិតក្នុងភូមិសំរោងទាវ សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ មានករណីគ្រោះថ្នាក់ចរាចរណ៍រថយន្ត Ford Ranger ស្លាកលេខ កម្ពុជា H.R.0012 បុកគ្នាជាមួយរថយន្តបែនដឹកដីមួយគ្រឿង ហើយរថយន្តបែនដឹកដីនោះក៏ជ្រុលទៅបុកម៉ូតូមួយគ្រឿង បណ្ដាលឲ្យម៉ូតូនៅក្រោមរថយន្ត និងមនុស្សម្នាក់រងរបួសធ្ងន់ បញ្ជូនទៅកាន់មន្ទីរពេទ្យ។

ក្រោយពីកើតហេតុសមត្ថកិច្ចជំនាញនគរបាលចរាចរណ៍ ចុះដល់ទីតាំងធ្វើការវាស់វែង យកវត្ថុតាងទៅរក្សាទុក នៅការិយាល័យចរាចរណ៍ជើងគោក នៃស្នងការនគរបាលរាជធានីភ្នំពេញ ដើម្បីរង់ចាំដោះស្រាយបន្តតាមនីតិវិធី៕