កំពង់ស្ពឺៈ (ព័ត៌មានបឋម) នៅវេលាម៉ោង២២និង៣០នាទីយប់ថៃ្ងទី០៥ ខែមករា ឆ្នាំ២០២២ មានករណីគ្រោះថ្នាក់ចរាចរណ៍មួយបាន កើតឡើង បង្កឲ្យមានការភ្ញាក់ផ្អើល ដល់ប្រជាពលរដ្ឋ និងកម្លាំងសមត្ថកិច្ចនគរបាល ទីតាំងកើតហេតុ ស្ថិតនៅត្រង់ចំណុចគីឡូម៉ែត្រ លេខ ៤១-៤២ មានរថយន្តចំនួន០៥គ្រឿង បុកនៅទីតាំងតែមួយ មានរថយន្តម៉ាកតូរីសដឹកបង្កប់ឈើ បុករថយន្តម៉ាកហាយលែនឌ័រ រថយន្តកុងទែន័រ បុកហ្វត រួចរថយន្តហ្វតបន្ដទៅបុករថយន្តម៉ាកលិចស៊ីស មួយគ្រឿងទៀត ទីតាំងកន្លែងកើតហេតុ ស្ថិតនៅភូមិចំបក់ ឃុំវល្លិ៍ស ស្រុកសំរោងទង ខេត្តកំពង់ស្ពឺ ។

ករណីគ្រោះថ្នាក់ចរាចរណ៍ខាងលើនេះ ​មិនទាន់ដឹងច្បាស់នូវមូលហេតុនោះឡើយ ។ ក្រោយពេលកើតហេតុ វត្តមានកម្លាំងសមត្ថកិច្ច នគរបាលផ្នែកជំនាញចរាចរណ៍ បានចុះទៅពិនិត្យ និងសម្រួលចរាចរណ៍ ដើម្បីកុំឲ្យមានការកកស្ទះចរាចរណ៍ផងដែរ ។ ក្នុងករណីនេះ មិនទាន់ដឹងច្បាស់ថា មានមនុស្សរងគ្រោះថ្នាក់ប៉ុន្មាននាក់នោះឡើយ ។ ហើយទំហំនៃការខូចខាតក៏មិនទាន់ដឹងថាច្បាស់លាស់នោះ ដែរ ។

សម្រាប់ព័ត៌មានលម្អិតក្រុមការងារ នៃអង្គភាពសារព័ត៌មាន​ Post News យើងខ្ញុំនឹងចុះផ្សាយជូននៅពេលក្រោយបន្តទៀត ៕