ព្រះវិហារ: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា ក្រោមបទបញ្ជារបស់លោកឧត្តមសេនីយ៍ទោ សួស សុខដារ៉ា ស្នងការនគរបាលខេត្តព្រះវិហារ កម្លាំងផ្នែកប្រឆាំងការជួញដូរមនុស្ស និងការពារអនីតិជន នៃអធិការដ្ឋាននគរបាលស្រុកគូលែន បានធ្វើការឃាត់ខ្លួនជនសង្ស័យម្នាក់ ពាក់ព័ន្ធករណីរំលោភសេពសន្ថវ:លើអនីតិជនអាយុក្រោម១៥ឆ្នាំ តាមពាក្យបណ្តឹងរបស់ម្តាយក្មេងស្រីរងគ្រោះ ។
ហេតុការណ៍នេះកើតឡើងនៅចំណុះផ្ទះជនរងគ្រោះ ស្ថិននៅភូមិសម្បូរ ឃុំស្រយ៉ង់ ស្រុកគូលែន ខេត្តព្រះវិហារ ថ្ងៃទី៨ ខែមករា ឆ្នាំ២០២២ វេលាម៉ោងប្រហែល ១៦និង៣០នាទី ។
ជនសង្ស័យឈ្មោះ ហ៊ីម ធីម ភេទប្រុស អាយុ២៤ឆ្នាំ មុខរបរកសិករ (ត្រូវជាឪពុកចុងក្មេងស្រីរងគ្រោះ) ត្រូវបានសមត្ថកិច្ចឃាត់ខ្លួននៅថ្ងៃទី១០ ខែមករា ឆ្នាំ២០២២ ។ ចំណែកក្មេងស្រីរងគ្រោះឈ្មោះ ហ.ហ អាយុ០៦ឆ្នាំ កំពុងសិក្សា ។
បច្ចុប្បន្ន សមត្ថកិច្ចជំនាញបានកសាងសំណុំរឿងបញ្ជូនទៅអយ្យការអមសាលាដំបូងខេត្តព្រះវិហារ ដើម្បីចាត់ការតាមនីតិវិធី ៕
មតិយោបល់