-

រថយន្តសាំយ៉ុងមួយគ្រឿងបើកឡើងស្ពានមិនទាន់ឆ្លងផុតផងឆ្លងចរន្តឆេះខ្ទេច

ភ្នំពេញ: រថយន្តសាំយ៉ុងមួយគ្រឿងបើកឡើងស្ពានមិនទាន់ឆ្លងផុតផងឆ្លងចរន្តឆេះខ្ទេចនៅសល់តែគ្រោងឆ្អឹង។

ហេតុការណ៍នេះបានកើតឡើងកាលពីវេលាម៉ោង៤និង២០នាទីរសៀលថ្ងៃទី១៤ខែមករាឆ្នាំ២០២២ចំណុចលើស្ពានព្រែកព្នៅត្រើយខាងលិចក្នុងសង្កាត់ព្រែកព្នៅខណ្ឌព្រែកព្នៅរាជធានីភ្នំពេញ។

រថយន្តដែលឆ្លងចន្តឆេះខណ:ម្ចាស់កំពុងបើកនោះម៉ាកសាំយ៉ុង ពាក់ស្លាកលេខភ្នំពេញ 2AA 2852បើកដោយបុរសម្នាក់។

តាមប្រភពព័ត៌មានពីកន្លែងកើតហេតុបានឲ្យដឹងថានៅមុនពេលកើតហេតុ រថយន្តខាងលើបានបើកឡើងស្ពានព្រែកព្នៅ ក្នុងទិសដៅពីលិចទៅកើតលុះឡើងមិនទាន់ដល់កណ្តាលស្ពានផងក៏ស្រាប់តែមានផ្សែងហុយៗចេញពីកាប៊ីន ពេលនោះម្ខាស់ក៏ឈប់រថយន្តដើម្បីពន្លត់គ្រាន់តែចាក់ទឹកពន្លត់បានបន្តិចក៏ស្រាប់តែចេញជាអណ្តាតភ្លើងឆេះយ៉ាងសន្ធោសន្ធៅតែម្តង។

ភ្លាមៗនោះសមត្ថកិច្ចមូលដ្ឋានក៏ទាក់ទងរថយន្តពន្លត់អគ្គិភ័យចេញអន្តរាគមន៍ជាច្រើនគ្រឿងផងដែរតែភ្លើងបានឆេះខ្លាំងតាំងពីដំបូងបាត់ទៅហើយ៕

 

មតិយោបល់