បាត់ដំបង: យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា នៅថ្ងៃទី២៦ ខែមករា ឆ្នាំ២០២២ វេលាម៉ោង១៥និង៣០នាទី ត្រង់ចំនុចក្រុមទី១៥ ភូមិព្រៃទទឹង២ ឃុំបវេល មានករណីអគ្គិភ័យឆាបឆេះផ្ទះកើតឡើងមួយលើក របស់ពលរដ្ឋជាម្ចាស់ផ្ទះឈ្មោះ ឈួយ សុជាតិ ភេទប្រុស អាយុ ៣៨ឆ្នាំ រស់នៅភូមិ-ឃុំកើតហេតុខាងលើ ។
តាមការរាយការណ៍ពីសមត្ថកិច្ច បានឲ្យដឹងថា ផ្ទះឆាបឆេះខាងលើមានទំហំ ០៤ម៉ែត្រ គុណនិង០៨ម៉ែត្រ ធ្វើពីដែកប្រក់ស័ង្កសី ជញ្ជាំងស័ង្កសី ក្នុងនោះការខូចខាតគិតជាទឹកប្រាក់ប្រហែល ៣,០០០ដុល្លារ (បីពាន់ដុល្លា) ដោយអគ្គិភ័យលេបត្របាក់សម្ភារ:ប្រើប្រាស់ក្នុងផ្ទះអស់ទាំងស្រុង ។
ករណីនេះ តាមការសន្និដ្ឋានរបស់សមត្ថកិច្ច បានបញ្ជាក់ឲ្យដឹងថា គ្រោះថ្នាក់អគ្គិភ័យខាងលើ គឺបណ្តាលមកពីឆ្លងចរន្តអគ្គិសនី ខណ:ពេលម្ចាស់ផ្ទះមិននៅចាក់សោចោល ។ ក្នុងនោះកម្លាំងនគរបាលស្រុកបវេល បានប្រើប្រាស់ទឹកអស់ចំនួន០១ឡាន ទើបអាចគ្រប់គ្រងស្ថានភាពបានទាំងស្រុង ដោយចម្ងាយផ្លូវពីកន្លែងកើតហេតុ មកស្ថានីយរថយន្តពន្លត់អគ្គិភ័យប្រហែល០៤គីឡូម៉ែត្រ ៕
មតិយោបល់