ព្រះសីហនុៈ យោងតាមផេក មូលដ្ឋានកងរាជអាវុធហត្ថខេត្តព្រះសីហនុ ស្រុកព្រៃនប់ បានឲ្យដឹងថា កម្លាំងកងរាជអាវុធហត្ថ ស្រុកព្រៃនប់ បង្ក្រាបឃាត់ខ្លួនមនុស្សប្រុសស្រី០២នាក់ រួមទាំងវត្ថុតាងពាក់ព័ន្ធ ស្រុកព្រៃនប់ ខេត្តព្រះសីហនុ តាមការណែនាំពីលោក ឧត្តមសេនីយ៍ត្រី ហេង ប៊ុនទី មេបញ្ជាការកងរាជអាវុធហត្ថខេត្តព្រះសីហនុ កម្លាំងកងរាជអាវុធហត្ថស្រុកព្រៃនប់ ដឹកនាំផ្ទាល់ដោយលោក អនុសេនីយ៍ឯក ម៉ែន វណ្ណា មេបញ្ជាការមូលដ្ឋានស្រុក ចុះបង្ក្រាបករណីពាក់សារធាតុញៀន បានចំនួន០២ករណី ៕

ករណីទី១ នៅម៉ោង០៨និង៤០នាទី ថ្ងៃទី២៧ ខែមករា ឆ្នាំ២០២២ កម្លាំងបានចុះធ្វើការបង្ក្រាបករណីសារធាតុញៀនស្ថិតនៅភូមិ វាលមាស ឃុំវាលរេញ ស្រុកព្រៃនប់ ខេត្តព្រះសីហនុ ដោយឃាត់ខ្លួនជនសង្ស័យម្នាក់ ភេទប្រុស អាយុ៤១ឆ្នាំ ទីលំនៅ ភូមិវាលមាស ឃុំវាលរេញ ស្រុកព្រៃនប់ ខេត្តព្រះសីហនុ និងដកហូតវត្ថុតាងមាន៖ ម្សៅសថ្លាចំនួន០៣កញ្ចប់តូច ០១កញ្ចប់ធំ=ទម្ងន់ ក្រាម ទូរស័ព្ទចំនួន ០១គ្រឿង លុយ ១០ម៉ឺនរៀល ។

ករណីទី២ នៅម៉ោង០៨និង00នាទីយប់ ថ្ងៃទី២៨ ខែមករា ឆ្នាំ២០២២ កម្លាំងបានចុះធ្វើការបង្ក្រាបករណីជួញដូរគ្រឿងញៀន ស្ថិតនៅភូមិត្រពាំងមូល ឃុំជើងគោ ស្រុកព្រៃនប់ ខេត្តព្រះសីហនុ ដោយឃាត់ខ្លួនជនសង្ស័យជាស្ត្រីម្នាក់ អាយុ២៥ឆ្នាំ ទីលំនៅភូមិត្រាំខាងជើង ឃុំឱរ៉ាល់ ស្រុកឱរ៉ាល់ ខេត្តកំពង់ស្ពឺ ហើយបាន ដកហូតវត្ថុតាងរួមមាន៖ ម្សៅសថ្លាចំនួន០៣កញ្ចប់ ទូរស័ព្ទចំនួន ០១គ្រឿង លុយ ១,០២៧,៥០០៛ (មួយលានពីរសែនប្រាំពីពាន់ប្រាំរយរៀល) ។

ជនសង្ស័យខាងលើ បានបញ្ជូនទៅការិយាល័យ ប្រឆាំងគ្រឿងញៀន កងរាជអាវុធហត្ថខេត្តព្រះសីហនុ ដើម្បីបន្តនីតិវិធី ៕