សៀមរាបៈ នៅថ្ងៃសៅរ៍ ៤កើត ខែមាឃ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី០៥ ខែកុម្ភៈ ឆ្នាំ២០២២ វេលាម៉ោង ០៩ និង ២០ នាទី លើផ្លូវជាតិលេខ៦ ត្រង់ចំណុចបង្គោលគីឡូម៉ែត្រលេខ ៣៣៨-៣៣៩ ក្នុងភូមិប៉ាក់ប៉ាន់ ឃុំសសរស្តម្ភ ស្រុកពួក ខេត្តសៀមរាប មានករណីគ្រោះថ្នាក់ចរាចរណ៍ មួយបានកើតឡើង រវាងរថយន្តនិងម៉ូតូគ្នា បណ្តាលឲ្យមនុស្សស្លាប់ម្នាក់ និងរងរបួសធ្ងន់ម្នាក់ ។

ករណីគ្រោះថ្នាក់ចរាចរណ៍ខាងលើនេះ មានរថយន្តមួយគ្រឿងម៉ាក ហ៊ីយ៉ាន់ដាយ ពណ៌ស ពាក់ផ្លាកលេខភ្នំពេញ 3F7750 បើកបរដោយជនមិនស្គាល់អត្តសញ្ញាណ (រត់គេចខ្លួន) បើកបរទិសដៅពីកើតទៅលិច បានបុកម៉ូតូម៉ាកហុងដា ផលិតឆ្នាំ2020 ពាក់ផ្លាកលេខ សៀមរាប 1Ai7069 បើកបរដោយឈ្មោះ ឈឿយ ឈិត ភេទប្រុស អាយុ២៥ ឆ្នាំ (ពាក់មួកសុវត្ថិភាព) នៅភូមិខ្ជាយ ឃុំសសរស្តម្ភ ស្រុកពួក ខេត្តសៀមរាប ដឹកឈ្មោះ ប៉ាន់ ឈឿយ ភេទប្រុស អាយុ៥៨ឆ្នាំ (អត់មួយសុវត្ថិភាព) ត្រូវជាឪពុកនៅភូមិជាមួយគ្នា បើកបរទិសដៅពីជើងទៅត្បូងឆ្លងផ្លូវ ។ ករណីនេះបណ្តាលអោយស្លាប់មនុស្សម្នាក់ឈ្មោះ ប៉ាន់ ឈឿយ និងរងរបួសធ្ងន់មនុស្សម្នាក់ឈ្មោះ ឈឿយ ឈិត ។ ខូចខាតរថយន្ត0១គ្រឿង (ស្រាល) និងមូតូគ្រឿង (ធ្ងន់) ។ មូលហេតុ៖ បណ្តាលមកពីអ្នកបើកបរម៉ូតូឆ្លងផ្លូវ ដោយខ្វះការប្រុងប្រយ័ត្ន ។

ក្រោយពេលកើតហេតុ កម្លាំងផ្នែកជំនាញសហការ ជាមួយកម្លាំងប៉ុស្តិ៍នគរបាលរដ្ឋបាល បានចុះដល់កន្លែងកើតហេតុធ្វើការវាស់វែង ។ បន្ទាប់មកសាកសពជនរងគ្រោះ បានប្រគល់ជូនទៅក្រុមគ្រួសារ យកទៅធ្វើបុណ្យតាមប្រពៃណី រីឯជនរងគ្រោះត្រូវដឹកបញ្ជូនទៅកាន់មន្ទីរពេទ្យដើម្បីព្យាបាល ។ ចំណែកវត្ថុតាងសមត្ថកិច្ចយកមករក្សាទុកនៅប៉ុស្តិ៍ ដើម្បីចាត់ការតាមនីតិវិធី ៕