បាត់ដំបង: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា នៅថ្ងៃទី៨ ខែកុម្ភ: ឆ្នាំ២០២២ វេលាម៉ោង ១១និង០០នាទី ត្រង់ចំណុចប៉ាលហាល ស្ថិតនៅភូមិមុខរាហ៍០១ ឃុំមុខរាហ៍ ស្រុករុក្ខគិរី ខេត្តបាត់ដំបង មានករណីអគ្គិភ័យមួយកើតឡើងបណ្តាលឲ្យឆេះផ្ទះ ០១ខ្នង ទំហំ ៤ម៉ែ៣ x ៦ម៉ែត្រ ឈើប្រក់ស័ង្កសី ជញ្ជាំងស័ង្កសីរបស់ឈ្មោះ ឈិន គែល ភេទប្រុស អាយុ ៣១ឆ្នាំ រស់នៅភូមិឃុំខាងលើ (ឆេះខូចខាតទាំងស្រុង)។
តាមការរាយការណ៍ជាបឋមពីសមត្ថកិច្ចបានឲ្យដឹងថា គ្រោះអគ្គិភ័យនេះកើតឡើង ខណ:ម្ចាស់ផ្ទះមិននៅទៅកម្មវិធីការបងប្អូន។ ដោយមូលហេតុឆេះភ្លើងធូបរាលនៅក្នុងផ្ទះ ។
ក្នុងនោះសម្ភារ:ខូចខាតរួមមាន៖ - អង្ករចំនួន១០០គីទ្បូក្រាម -ជីចំនួន០៣ការ៉ុង - ថ្នាំងបាញ់ស្រូវ ចំនួន០៣កាដុង - កង់ចំនួន០១គ្រឿង -បង្គាចំនួន ៥០០ក្បាល -ថវិការ ចំនួន ១,០០០,០០០រៀល ។
បច្ចុប្បន្ន កម្លាំងនគរបាលស្រុក បានចុះធ្វើការត្រួតពិនិត្យនិងរៀបចំសណ្តាប់ធ្នាប់ជូនម្ចាស់ផ្ទះឡើងវិញ ៕
មតិយោបល់