ភ្នំពេញៈ នៅវេលាម៉ោង០៣និង២០នាទីយប់រំលងអធ្រាត្រឈានចូលថ្ងៃទី១៥ ខែកុម្ភៈ ឆ្នាំ២០២២ មានករណីគ្រោះថ្នាក់
រថយន្តមួយគ្រឿងម៉ាកឡិចស៊ីស (RX350) ពណ៌ស ពាក់ស្លាកលេខភ្នំពេញ 2AH-7089 បើកបរដោយជនមិនស្គាល់អត្តសញ្ញណម្នាក់ បណ្តាលឲ្យរថយន្តនេះក្រឡាប់ផ្ងារជើង រងការខូចខាតយ៉ាងដំណំ បង្កឲ្យមានការភ្ញាក់ផ្អើលកើតឡើង ដល់បងប្អូនប្រជាពលរដ្ឋ និងកម្លាំងសមត្ថកិច្ចក្នុងមូលដ្ឋាន ទីតាំងស្ថិតតាមបណ្តោយផ្លូវជាតិលេខ២ ក្នុងសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ។

ហេតុការណ៍ករណីគ្រោះថ្នាក់ចរាចរណ៍ខាងលើនេះ នៅមុនពេលកើតហេតុ គេឃើញរថយន្តមួយគ្រឿងម៉ាក LEXUS RX350 ពណ៌ស ពាក់ស្លាកលេខភ្នំពេញ 2AH-7089 បើកបរដោយជនមិនស្គាល់អត្តសញ្ញាណម្នាក់ ។ រថយន្តបង្កហេតុនេះ បើកបរធ្វើដំណើរ តាមបណ្តោយផ្លូវជាតិលេខ២ ។ លុះពេលធ្វើដំណើរមកដល់ត្រង់ចំណុចកើតហេតុ ស្រាប់តែរថយន្តរេចង្កូតក្រឡាប់ផ្ងារជើងតែម្តង ។

ករណីគ្រោះថ្នាក់ចរាចចរណ៍ខាងលើនេះផងដែរ ក៏បង្កឲ្យមានការភ្ញាក់ផ្អើលកើតឡើង ដល់បងប្អូនប្រជាពលរដ្ឋ និងកម្លាំងសមត្ថកិច្ច នគរបាលនៅក្នុងមូលដ្ឋាន ។ នៅកន្លែងកើតហេតុយើងឃើញថា រថយន្តមានសភាព រងការខូចខាតយ៉ាងដំណំផងដែរ ។

នៅក្រោយពេលកើតហេតុ វត្តមានកម្លាំងសមត្ថកិច្ចនគរបាលប៉ុស្តិ៍រដ្ឋបាលសង្កាត់ចាក់អង្រែលើ បានចុះទៅដល់ទីតាំងកន្លែង កើតហេតុដើម្បីធ្វើការពិនិត្យតាមនីតិវិធី ។ ករណីនេះក្រុមការងារនៃអង្គភាពសារព័ត៌មាន Post News មិនទាន់បានដឹងច្បាស់ ពីមូលហេតុនេះពិតប្រាកដនូវឡើយ ។ នេះគ្រាន់តែជាព័ត៌មានបឋមតែប៉ុណ្ណោះ ។ សូមបញ្ជាក់ថា ករណីគ្រោះថ្នាក់ចរាចរណ៍ ខាងលើនោះ គឺមិនមានរងគ្រោះថ្នាក់ដល់មនុស្សអ្វីនោះទេ គឺគ្រាន់តែរងការខូចខាតរថយន្តបង្កហេតុតែប៉ុណ្ណោះ ៕