ភ្នំពេញៈ បុរសម្នាក់ជិះម៉ូតូ CBR មួយគ្រឿង បើកបរក្នុងល្បឿនលឿន ដល់ផ្លូវបែកជាបួនបុករថយន្តពីចំហៀងខាងឆ្វេងរងរបួសធ្ងន់ ហេតុការណ៍នេះ បានកើតឡើងកាលពីវេលាម៉ោង០២រសៀលថ្ងៃទី១៧ ខែកុម្ភៈ ឆ្នាំ ២០២២ ចំណុចផ្លូវចូលគ្រែនភ្នំពេញ កែងផ្លូវខ្នងប្រឡាយ ក្នុងសង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ ។

ករណីគ្រោះថ្នាក់ចរាចរណ៍ខាងលើនេះ មានម៉ូតូមួយគ្រឿងម៉ាក CBR ពណ៌ខ្មៅ លាយស ពាក់ស្លាកលេខភ្នំពេញ 1BX 7033 ជិះដោយបុរសម្នាក់ ។ ចំណែកឯរថយន្តម៉ាក ហ៊ីយ៉ាន់ដាយ ពាក់ស្លាកលេខកំពង់ចាម 3B 0936 បើកបរដោយបុរសម្នាក់ ។

តាមប្រភពព័ត៌មាន ពីកន្លែងកើតហេតុបានឲ្យដឹងថា នៅមុនពេលកើតហេតុរថយន្តខាងលើ បានបើកតាមបណ្ដោយផ្លូវ បេតុងខ្នងប្រឡាយក្នុងទិសដៅពីជើងទៅត្បូង លុះមកដក់ចំណុចកើតហេតុ ដែលជាផ្លូវបែកជាបួន ក៏មានម៉ូតូមួយគ្រឿងខាងលើ បើកតាមបណ្តោយផ្លូវបេតុង (ផ្លូវចូលគ្រែនភ្នំពេញ) ពីកើតទៅលិចក្នុងល្បឿនលឿនគួរសមក៏អកហ្សើជ្រុលទៅបុករថយន្ត ហ៊ីយ៉ាន់ដាយពីឆ្វេង បណ្តាលឱ្យតៃកុងម៉ូតូខ្ទាតចេញពីកន្លែងបុករងរបួសធ្ងន់ ឯម៉ូតូខូចខាតកំណាត់មុខយ៉ាងដំណំ ចំណែករថយន្តឃើញហេតុការណ៍ដូច្នេះហើយ ក៏បន្តដំណើរទៅមុខបានប្រ២០០ម៉ែត្រ ត្រូវប្រជាពលរដ្ឋឃើញហេតុការណ៍ ជិះរថយន្តដេញកាក់រួចរាយការណ៍ប្រាប់សមត្ថកិច្ចចុះអន្តរាគមន៍ ។ ជនរងគ្រោះត្រូវបានបញ្ជូនតាមកង់បីឥណ្ឌាទៅមន្ទីរពេទ្យ ដើម្បីជួយសង្រ្គោះ ។

ក្រោយពីកើតហេតុ ភាគីខាងរថយន្តនៅចាំចរចាជាមួយភាគីខាងម៉ូតូ នៅកន្លែងកើតហេតុ តែប្រសិនបើក្នុងករណីចរចាមិនកើត សមត្ថកិច្ចនិងចាត់ការបញ្ជូនបន្ត ៕