កោះកុងៈ នៅថ្ងៃទី១៩ ខែកុម្ភៈ ឆ្នាំ២០២២ វេលាម៉ោង០៣ និង៣០នាទី នៅលើផ្លូវ៤៨ ចំណុចអន្ទង់អាំធំ ចន្លោះគីឡូម៉ែត្រលេខ៦១-៦២ ស្ថិតនៅភូមិជីមាល ឃុំអណ្ដូងទឹក មានករណីគ្រោះថ្នាក់ចរាចរណ៍ រថយន្តបើកបរក្រឡាប់ដោយខ្លួនឯង បណ្ដាលអោយរងរបួសមនុស្សចំនួន០៧នាក់ប្រុស រងរបួសធ្ងន់០៤នាក់ប្រុស ។ ចំណែកជនរងគ្រោះបានបញ្ជូនទៅសង្គ្រោះ នៅមណ្ឌលសុខភាពអណ្តូងទឹក ។

ករណីគ្រោះថ្នាក់ចរាចរណ៍ខាងលើនេះ មានរថយន្តមយគ្រឿងម៉ាក ហ៊ីហាន់ដាយ ពណ៌ស ពាក់ស្លាកលេខ កំពង់ចាម 3A-6026 (រថយន្តដឹកតុការ) ។ មូលហេតុ៖ ផ្លូវចំណោតប្រើប្រាស់ល្បឿន ។

នៅពេលកើតហេតុ កម្លាំងសមត្ថកិច្ចនគរបាលនៅក្នុងមូលដ្ឋានបានចុះទៅដល់ទីតាំងកន្លែងកើតហេតុ ដើម្បីធ្វើការពិនិត្យទៅតាមនីតិវិធីផ្លូវច្បាប់ផងដែរ ៕