កំពង់ស្ពឺៈ នៅថ្ងៃទី២៤ ខែកុម្ភៈ ឆ្នាំ២០២២ វេលាម៉ោង ៥និង៤០នាទីនៅលើផ្លូវជាតិលេខ៤ ចន្លោះkm88-89 ភូមិទី៣ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ មានករណីគ្រោះថ្នាក់ចរាចរមួយបានកើតឡើងដោយមានឈ្មោះ ហោ ចាន់ថូវ ភេទប្រុស អាយុ ២៩ឆ្នាំ នៅភូមិស្ទឹងលើ ឃុំកណ្តៀង ស្រុកកណ្តៀង ខេត្តពោធិ៍សាត់ បានជិះម៉ូតូម៉ាកHonda C.125 ពណ៌ខ្មៅ ស៊េរី២០២២ ស្លាកលេខ កំពង់ស្ពឺ 1V.9603 ជិះពីកើតទៅលិច ដល់ចំនុចខាងលើបានបុកឆ្កែបណ្តាលឲ្យដួលខ្ទាតចូលរថយន្តមិនស្គាល់ម៉ាកកិនហើយបើកគេចទៅទិសខាងកើតបាត់ បណ្តាលឲ្យឈ្មោះខាងលើស្លាប់នៅកន្លែងកើតហេតុ។

ម៉ូតូខូចខាតស្រាល។

ករណីខាងលើមិនមានការកកស្ទះទេ សាកសពបានលើកយកទុកនៅចិញ្ចើមផ្លូវ ដើម្បីស្រាវជ្រាវរកសាច់ញាតិ ប្រគល់ជូនយកទៅធ្វើបុណ្យតាមប្រពៃណី៕