-

ជនសង្ស័យចំនួន០៣នាក់ ត្រូវកម្លាំងសមត្ថកិច្ចឃាត់ខ្លួន ពាក់ព័ន្ធករណីគ្រឿងញៀន

ព្រះសីហនុ: យោងតាមផេក ការិយាល័យផ្សព្វផ្សាយតាមបណ្តាញសង្គម បានឲ្យដឹងថា កាលពីថ្ងៃព្រហស្បតិ៍ ១កើត ខែផល្គុន ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី៣ ខែមីនា ឆ្នាំ២០២២​ ដោយមានការដឹកនាំបញ្ជាពីសំណាក់ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ និងមានការដឹកនាំសម្របសម្រួលនីតិវិធីពី ឯកឧត្តម ពេញ ពិសិដ្ឋ ព្រះរាជអាជ្ញារងនៃអយ្យការអមសាលាដំបូងខេត្តព្រះសីហនុ លោកឧត្តមសេនីយ៍ត្រី តាក់ សារិទ្ធ ស្នងការរងទទួលផែនប្រឆាំងបទល្មើសគ្រឿងញៀន បានធ្វើការឃាត់ខ្លួនជនសង្ស័យចំនួន០៣នាក់ ពាក់ពន្ធ័នឹងករណីគ្រឿងញៀន វេលាម៉ោង​១៦និង​៣០នាទី​ល្ងាច ស្ថិតនៅក្រុម០៥ ភូមិ០១ សង្កាត់០៣ ក្រុង-ខេត្តព្រះសីហនុ​ ។

ជនសង្ស័យ៖ ១-ឈ្មោះ​ JIN CHAO BIN ភេទប្រុស​ ជនជាតិចិន សញ្ជាតិចិន មុខរបរ មិនពិតប្រាកដ ។
២-ឈ្មោះ LIANG TING ភេទប្រុស ជនជាតិចិន-សញ្ជាតិចិន ។
៣-ឈ្មោះ WANG JIAN WEI ភេទប្រុស ជនជាតិចិន សញ្ជាតិចិន ។

ដកហូតវត្ថុតាងរួមមាន៖ -ម្ស៉ៅសសង្ស័យជាសារធាតុញៀនចំនួន០៤កញ្ចប់ ។ -កញ្ឆាក្រៀមចំនួន០១កញ្ចប់ ។
-ថ្នាំគ្រាប់អក្សWY ចំនួន៦៩គ្រាប់ ។ -ថ្នាំដបពណ៌ទឹកមាសសង្ស័យជាសារធាតុចំនួន២៨ដប ។ -ថ្នាំគ្រាប់ពណ៌ប្រផះសង្ស័យជាសារធាតុញៀនចំនួន០២គ្រាប់ ។ -ជញ្ជីងថ្លឹងថ្នាំញៀនចំនួន០២គ្រឿង ។ -កាំភ្លើងខ្លីម៉ាក SIG SAUER មួយដើម ។ -បំពង់ជក់ចំនួន០២ ដប ។ -ថង់វិចខ្ចប់ថ្នាំញៀនមួយចំនួន ។ -ទូរស័ព្ទចំនួន០៧ គ្រឿង ។ -រថយន្ត ចំនួន០១គ្រឿង ។

បច្ចុប្បន្នជនសង្ស័យខាងលើ កំពុងបញ្ជូនទៅស្នងការដ្ឋានននគរបាលខេត្តព្រះសីហនុ ដើម្បីធ្វើការសាកសួរ​ និង​ចាត់ការតាមផ្លូវច្បាប់ ៕

មតិយោបល់