ភ្នំពេញៈ ករណីគ្រោះថ្នាក់ចរាចរណ៍មួយដែលម៉ូតូមួយគ្រឿងបត់ឆ្លងផ្លូវ ម៉ូតូកង់បីជាន់ហ្វ្រាំងបង្អង់ ត្រូវម៉ូតូសណ្តោងរ៉ឺម៉កដឹកដូងបុកពីក្រោយ ទាមទារសំណង ៣០០ដុល្លារ បង្កការភ្ញាក់ផ្អើលកាលពីវេលាម៉ោង ១២និង០៥នាទីថ្ងៃត្រង់ថ្ងៃទី០៨ ខែមីនា ឆ្នាំ២០២២ ស្ថិតនៅតាមបណ្តោយផ្លូវជាតិលេខ៣ ភូមិព្រៃព្រីងខាងត្បូង១ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។

តាមប្រភពព័ត៌មានកន្លែងកើតហេតុបានអោយដឹងថា នៅមុនពេលកើតហេតុគេឃើញម៉ូតូកង់បីពណ៌ស ពាក់ស្លាកលេខ ភ្នំពេញ 1HZ-5213 ធ្វើដំណើរតាមបណ្តោយផ្លូវជាតិលេខ៣ ក្នុងទិសដៅពីត្បូងទៅជើង ខណៈពេលនោះមានម៉ូតូមួយគ្រឿងមិនចាំម៉ាក បានបើកបត់ឆ្លងផ្លូវក្នុងទិសដៅពីលិចទៅកើតហើយម៉ូតូកង់បីបានជាន់ហ្រ្វាំង បណ្ដាលឲ្យម៉ូតូបត់ឆ្លងផ្លូវស្របពេលនោះ មានម៉ូតូសណ្តោយរ៉ឺម៉កដឹកដូងមកពីក្រោយ ជ្រុលចង្កូតទៅបុកគូទបណ្តាលអោយរងការខូចខាតយ៉ាងដំណំ តែសំណាងល្អក្នុងហេតុការណ៍នោះ មិនបង្កអោយមនុស្សណាម្នាក់រងរបួសនោះឡើយ។

ក្រោយកើតហេតុភាគីទាំងសងខាង កំពុងធ្វើការសម្របសម្រួលគ្នា បើមិនត្រូវគ្នា និងរាយការណ៍ទៅកម្លាំងសមត្ថកិច្ច ចុះមកធ្វើការវាស់យកវត្ថុតាងទៅរក្សាដើម្បីរង់ចាំការដោះស្រាយបន្ត៕