បាត់ដំបង: យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា នៅថ្ងៃទី១៥ ខែមីនា ឆ្នាំ២០២២ វេលាម៉ោង១៣និង០០នាទី ស្ថិតត្រង់ចំណុចក្រុមទី០៩ ភូមិចម្ការសំរោង២ សង្កាត់ចម្ការសំរោង ក្រុងបាត់ដំបង ខេត្តបាត់ដំបង មានករណីអគ្គិភ័យកើតឡើងចំនួន០១លើក បណ្តាលឲ្យឆេះឃ្លាំងស្តុបអាចម៍រណារ ០១ខ្នង (ឆេះផ្នែកខាងក្នុង) ទំហំ ២០ម៉ែត្រ x ៣៥ម៉ែត្រ ធ្វើពីដែកជញ្ជាំងថ្ម ដំបូលប្រក់ស័ង្កសី របស់ម្ចាស់ឈ្មោះ ពឹង រតនា ភេទប្រុស អាយុ ៣៥ឆ្នាំ រស់នៅក្នុងភូមិ-ឃុំកើតហេតុខាងលើ ។ តាមការរាយការណ៍ពីសមត្ថកិច្ចបានឲ្យដឹងថា ក្នុងនោះសម្ភារ:ខូចខាតរួមមាន៖ ឆេះឃ្លាំង ០១ខ្នង, ឆេះអាចម៍រណារសម្រាប់ផលិតធ្យូង, ឆេះគ្រឿងចម្លាក់ឈើ មួយចំនួន, សរុបការខូចខាតអស់ប្រហែល ៤,០០០ដុល្លារ (បួនពាន់ដុល្លារ) ។
ករណីគ្រោះអគ្គិភ័យនេះ កំពុងស្ថិតក្នុងស្រាវជ្រាវបន្តរកមូលហេតុ ។ ភ្លាមៗនោះ សមត្ថកិច្ចជំនាញបានចេញរថយន្តពន្លត់អគ្គិភ័យចំនួន០៣គ្រឿង និងប្រើប្រាស់ទឹកអស់ចំនួន០២ឡាន ទើបគ្រប់គ្រងបានទាន់ពេលមិនឲ្យរាលដាលបន្តទៀត ៕
មតិយោបល់