ភ្នំពេញៈ នៅវេលាម៉ោង១២ និង០០នាទីយប់រំលងអធ្រាត្រឈានចូលថ្ងៃទី១៥ ខែឧសភា ឆ្នាំ២០២២ មានករណីគ្រោះថ្នាក់ចរាចរណ៍ មួយបានកើតឡើង បុរសម្នាក់បើករថយន្តហ្វត មួយគ្រឿង ក្នុងល្បឿនលឿនដល់ផ្លូវកោងមិនប្រយ័ត្នជ្រុលចង្កូតឡើងខឿនបុកដើមឈើ បាក់មួយដើមរាបដល់ដី ចំណែករថយន្តរងការខូចខាតមួយកំណាត់មុខយ៉ាងដំណំ ទីតាំងស្ថិតតាមបណ្តោយផ្លូវបុរីអង្គរ សង្កាត់ទួលសង្កែរទី២ ខណ្ឌឫស្សីកែវ រាជធានីភ្នំពេញ ។

នៅមុនពេលកើតហេតុគេឃើញបុរសម្នាក់ បើករថយន្តហ្វត ពណ៌ស មួយគ្រឿង ពាក់ស្លាកលេខភ្នំពេញ 2BD-8080 ធ្វើដំណើរតាមបណ្តោយផ្លូវបុរីអង្គ មានទិសដៅពីជើងមកត្បូងក្នុងល្បឿនលឿន ។ លុះមកដល់ចំណុចកើតហេតុផ្លូវកោង ខ្វះការប្រុងប្រយ័ត្ន បួងចង្កូតឡើងខឿនទៅបុកដើមឈើមួយដើមពេញទំហឹង បណ្ដាលឲ្យបាក់រាបដល់ដី ចំណែករថយន្តរងការខូចខាតផ្នែកខាងមុខយ៉ាងដំណំ ក្នុងហេតុការណ៍នេះមិនបង្កឲ្យនរណាម្នាក់រងរបួសនោះទេ ។

បន្ទាប់ពីកើតហេតុសមត្ថកិច្ចផ្នែកជំនាញចរាចរណ៍ ចុះយករថយន្តទៅរក្សាទុក នៅការិយាល័យចរាចរណ៍ផ្លូវគោក នៃស្នងការដ្ឋាននគបាលរាជធានីភ្នំពេញ ដើម្បីរង់ចាំដោះស្រាយនៅពេលក្រោយ ទៅតាមនីតិវិធីផ្លូវច្បាប់ ៕