បន្ទាយមានជ័យ: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា ម៉ូតូម៉ាកហុងដាឌ្រីមធុនសេ១២៥ ពីរគ្រឿងបានប៉ះទង្គិចគ្នា បណ្តាលឲ្យមនុស្សម្នាក់ស្លាប់ និងម្នាក់ទៀតរបួសធ្ងន់០១នាក់ ។ ហេតុការណ៍គ្រោះថ្នាក់ចរាចរណ៍រវាងម៉ូតូបុកជាមួយម៉ូតូនេះ បានកើតឡើង នៅវេលាម៉ោង១៩និង៤០នាទី ថ្ងៃទី២១ ខែឧសភា ឆ្នាំ២០២២ លើផ្លូវលំ ត្រង់ចំណុចខាងជើងវត្តអូរនាងប្រហែល៥០០ម៉ែត្រស្ថិតនៅក្នុងភូមិអូរនាង សង្កាត់អូរឫស្សី ក្រុងប៉ោយប៉ែត ខេត្តបន្ទាយមានជ័យ ។
នគរបាលក្រុងប៉ោយប៉ែតបានឲ្យដឹងថា ជនរង្រោះដេលបាត់បង់ជីវិត ឈ្មោះបុន ទី អាយុ២៩ឆ្នាំ ភេទប្រុស មុខរបរកម្មករ រស់នៅក្នុងភូមិអូរនាង សង្កាត់អូរឫស្សី ក្រុងប៉ោយប៉ែត ខេត្តបន្ទាយមានជ័យ បើកបរម៉ូតូម៉ាកហុងដាឌ្រីម ធុនសេ១២៥ ពណ៌ខ្មៅ ពាក់ស្លាកលេខ ប-មានជ័យ 1K-9687 ពីជើងទៅត្បូង ។ ចំណែកអ្នករងរបួសធ្ងន់ភេទស្រី (មិនស្គាល់អត្តសញ្ញាណ) ត្រូវបានសាច់ញាតិដឹកយកទៅសង្គ្រោះ មុនពេលនគរបាលចុះទៅដល់កន្លែងកើតហេតុ បើកបរម៉ូតូម៉ាកហុងដាឌ្រីមធុនសេ១២៥ ពាក់ស្លាកលេខសៀមរាប 1Y-5172 ពីត្បូងទៅជើង ។
នគរបាលបានបញ្ជាក់ថា៖ ដំបូងមានម៉ូតូ០១គ្រឿងម៉ាកហុងដាឌ្រីម ធុនសេ១២៥ ពណ៌ខ្មៅ ពាក់ស្លាកលេខ ប-មានជ័យ 1K-9687 ដែលបើកដោយឈ្មោះបុន ទី បានបើកមិនប្រកាន់ស្តាំ ទសិដៅពីជើងទៅត្បូងក្នុងល្បឿនលឿន ពេលមកដល់កន្លែងកើតហេតុ មានម៉ូតូ០១គ្រឿងទៀត ម៉ាកហុងដាឌ្រីមធុនសេ១២៥ ពាក់ស្លាកលេខសៀមរាប 1Y-5172 ធ្វើដំណើរពីត្បូងទៅជើង ច្រាសទិសគ្នា បានបុកគ្នាពេញទំហឹង បណ្តាលឲ្យឈ្មោះ បុន ទីស្លាប់ភ្លាមៗ នៅនឹងកន្លែងកើតហេតុ ចំណែកបើកម៉ូតូម្ខាងទៀងជាស្ត្រីរងរបួសធ្ងន់ ត្រូវបានសាច់ញាតិយកទៅសង្គ្រោះនៅមន្ទីរពេទ្យ ។
មូលហេតុបង្កឲ្យកើតមានគ្រោះថ្នាក់នេះ បណ្តាលមកពីអ្នកបើកបរម៉ូតូពាក់ស្លាកលេខ បន្ទាយមានជ័យ 1K-9687 បើកបរក្នុងល្បឿនលឿនពេលយប់ មិនប្រកាន់ស្តាំ ខ្វះការប្រុងប្រយ័ត្ន ៕
មតិយោបល់