កណ្តាលៈ យោងតាមផេក ការិយាល័យផ្សព្វផ្សាយតាមបណ្តាញសង្គម បានឲ្យដឹងថា ថ្ងៃពុធ ៨កើត ខែអាសាឍ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី៦ ខែកក្កដា ឆ្នាំ២០២២ មានករណីលួច ( ប្រេងម៉ាស៊ូត ) ចំណុចនៅភូមិ កំពង់ទួល ឃុំអន្លង់រមៀត ស្រុក កណ្ដាលស្ទឹង ខេត្ត កណ្ដាល ។
ជនសង្ស័យ០៣នាក់៖ ១.ឈ្មោះ យឿន វិសាល ភេទប្រុស អាយុ ២០ ឆ្នាំ មានទីលំនៅភូមិ មាត់បឹង ឃុំ ទ្រា ស្រុក កណ្ដាលស្ទឹង ខេត្ត កណ្ដាល មុខរបរ ពិតប្រាកដ ។ ២.ឈ្មោះ ទូច រ័ត្នមន្នី ភេទប្រុស អាយុ ២៥ ឆ្នាំ ទីលំនៅភូមិ ត្រស់ ឃុំ ទ្រា ស្រុក កណ្ដាលស្ទឹង ខេត្ត កណ្ដាល ។ ៣.ឈ្មោះ សោម វ៉ាគីមហុង ភេទប្រុស អាយុ១៦ ឆ្នាំ ទីលំនៅភូមិ ក្រាំងខ្នុង ឃុំ ក្រាំងខ្នុង ស្រុក បាទី ខេត្ត តាកែវ មុខរបរមិនពិតប្រាកដ ។
វត្ថុតាងចាប់យករួមមាន៖ -ម៉ូតូមួយគ្រឿងម៉ាក Honda Dream C១២៥ស៊េរីឆ្នាំ ២០២២ ពាក់ស្លាកលេខ កណ្ដាល 1AN 1437
-ទូរស័ព្ទដៃ០១គ្រឿងម៉ាក OPPO ពណ៌ខៀវ ។ -ប្រេងម៉ាស៊ូតចំនួន ០២ កាន ។
នៅថ្ងៃកើតហេតុខាងលើ កម្លាំងប៉ុស្តិ៍នគរបាលរដ្ឋបាល អន្លង់រមៀត និងកម្លាំងប្រជាការពារ បានដើរល្បាតតាមភូមិសាស្រ្តតាមបណ្តោយផ្លូវជាតិលេខ៣ចំណុចភូមិ កំពង់ទួល ឃុំ អន្លង់រមៀត ស្រុក កណ្តាលស្ទឹង ខេត្កកណ្តាល ឃើញជនសង្ស័យ០៣ នាក់ខាងលើជិះម៉ូតូមួយគ្រឿងម៉ាក HondaDream C125 ស៊េរីឆ្នាំ ២០២២ ពាក់ស្លាកលេខ កណ្ដាល 1AN 1437 ដឹងប្រេងម៉ាស៊ូតចំនួន ០២កាន ឃើញដូចនោះ កម្លាំងប៉ុស្តិ៍នគរបាលរដ្ឋបាលឃុំ អន្លង់រមៀត ធ្វើការឃាត់ខ្លួនជនសង្ស័យ បញ្ជូនមកកាន់អធិការដ្ឋានដើម្បីសួរនាំ ។
នៅចំពោះមុខសមត្ថកិច្ចជនសង្ស័យ បានឆ្លើយសារភាពថា នៅថ្ងមុនពេលកើតហេតុ ជនសង្ស័យឈ្មោះ យឿន វិសាល បានចេញពីផ្ទះរបស់ខ្លូនទៅលួចប្រេងម៉ាស៊ូត នៅវណ្តៅដីមួយកន្លែង ស្ថិតនៅភូមិមាត់បឹង ឃុំ ទ្រា ស្រុក កណ្ដាលស្ទឹងបានចំនួន ០២ កានរួចយកមកទុកនៅផ្ទះរបស់ខ្លួន ពេលនោះជនសង្ស័យ ឈ្មោះ ទូច រត្ន័មន្នី និង ឈ្មោះ សោម វ៉ាគីមហុង បានជិះម៉ូតូមកដល់ផ្ទះរបស់ឈ្មោះ យឿន វិសាល ពេលនោះជនសង្ស័យឈ្មោះ យឿន វិសាល និង ឈ្មោះ ទូច រត្ន័មន្នី បានដឹកប្រេងម៉ាស៊ូតដែលលួចបាននោះទៅលក់នៅម្តុំ កំពង់ទួល ដោយទុកឈ្មោះ សោម វ៉ាគីមហុង អោយនៅដេកចាំផ្ទះ មួយសន្ទុះក្រោយមកជនសង្ស័យទាំងពីរនាក់ បានត្រឡប់មកពីលក់ប្រេងម៉ាស៊ូតវិញ បានលុយចំនួន ២០០.០០០រៀល រួចបានចូលផ្ទះយកឈ្មោះ សោម វ៉ាគីមហុង ទៅធ្វើសកម្មភាពលួចប្រេងម៉ាស៊ូតនៅរណ្ដៅដីនោះម្តងទៀត បានចំនួន០២កាន រួចជិះយកមកលក់នៅម្តុំកំពង់ទួល បានជួបនឹងកម្លាំងសមត្ថកិច្ចប៉ុស្តិ៍នគរបាលរដ្ឋបាលឃុំ អន្លង់រមៀត និង កម្លាំងប្រជាការពារចាប់ឃាត់ខ្លួនបញ្ជូនមកកាន់អធិការដ្ឋាននគរបាលស្រុកកណ្ដាលស្ទឹង ដើម្បីកសាងសំណុំរឿងតាមនីតិវិធីច្បាប់ ៕
មតិយោបល់