រតនគិរី: យោងតាមផេក នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ បានឲ្យដឹងថា នៅវេលាម៉ោង ០៥សនិង៣០នាទីរសៀល ថ្ងៃទី១៣ ខែកក្កដា ឆ្នាំ២០២២ មានករណីអគ្គិភ័យមួយកន្លែងបានកើតឡើង បណ្ដាលឲ្យឆេះផ្ទះប្រជាពលរដ្ឋចំនួនពីរខ្នង ដែលស្ថិតនៅក្នុងភូមិ ៧មករា សង្កាត់ឡាបានសៀក ក្រុងបានលុង ខេត្តរតនគិរី ។
ផ្ទះទី១មានទំហំ ០៥x២០ ម៉ែត្រ ថ្មក្រោមឈើលើដំបូលប្រក់ស័ង្កសី ។
ផ្ទះទី២ មានទំហំ ០៥x២០ ម៉ែត្រ ប្រភេទថ្មក្រោម ឈើលើដំបូលប្រុសស័ង្កសី ។
ម្ចាស់ផ្ទះទី១ ឈ្មោះ ជារ៉ន ភេទ ប្រុស ជនជាតិខ្មែរ មុខរបរមន្ត្រីរាជការ ។
ម្ចាស់ផ្ទះទី២ ឈ្មោះ ហេង លី ភេទ ប្រុស ជនជាតិខ្មែរ មុខរបរ បុគ្គលិកក្រុមហ៊ុន អ្នកទាំងពីរមានទីលំនៅភូមិកើតហេតុខាងលើ ។
ក្នុងករណីអគ្គិភ័យកើតឡើងខាងលើនេះ កម្លាំងការិយាល័យជំនាញអគ្គិភ័យនៃស្នងការដ្ឋាននគរបាលខេត្ត បានចេញរថយន្តពន្លត់អគ្គិភ័យចំនួន០៥គ្រឿង អន្តរាគមន៍បាញ់ពន្លត់ ក្នុងនោះរថយន្តពន្លត់អគ្គិភ័យស្នងការដ្ឋានចំនួន០៤ គ្រឿង នឹងរថយន្តពន្លត់អគ្គិភ័យអធិការដ្ឋានគរបាលស្រុកអូរជុំចំនួន០១គ្រឿង ប្រើប្រាស់ទឹកសរុបអស់ចំនួន ២០ រថយន្ត ទើបភ្លើងរលត់ទាំងស្រុងនៅវេលាម៉ោង ០៦និង៣០ នាទីរសៀល នាថ្ងៃខែឆ្នាំដដែល ។
ករណីនេះមិនបណ្ដាលឲ្យមានការរងរបួសមនុស្ស រឺបាត់បង់អាយុជីវិតមនុស្សឡើយ ។
សម្ភារ:ខូចខាតផ្ទះទី១ ឆេះអស់ ៦០% នឹងផ្ទះទី២ ឆេះអស់ទាំងស្រុង
ដោយមានការចូលរួមពីប្រជាពលរដ្ឋ និងកងកម្លាំងគ្រប់លំដាប់ថ្នាក់ ជួយយកសម្ភារ:បានមួយចំនួនធំ ។
មូលហេតុ: ដាក់ការសន្និដ្ឋានជាករណីឆ្លងចរន្តអគ្គិសនី នឹងកំពុងបន្តការស្រាវជ្រាវ ៕
មតិយោបល់