ភ្នំពេញៈ កាលពីវេលាម៉ោង ៤និង២០នាទីទៀបភ្លឺឈានចូលថ្ងៃទី២៨ ខែកក្កដា ឆ្នាំ២០២២ មានករណីគ្រោះថ្នាក់ចរាចរណ៍រវាងរថយន្ត និងកង់បី បណ្ដាលឲ្យក្រឡាប់ផ្ងារជើង ស្ថិតតាមបណ្ដោយផ្លូវ១៩៨៦ ក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
តាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុគេឃើញ បុរសម្នាក់បើកបរម៉ូតូកង់បីមួយគ្រឿងម៉ាក បាចា ពណ៌លឿង ពាក់ស្លាកលេខ ភ្នំពេញ 1GV-6816 ធ្វើដំណើរតាមបណ្ដោយផ្លូវ១៩៨៦ ពីលិចទៅកើតលុះដល់ចំណុចកើតហេតុម៉ូតូកង់បីនោះ ក៏បានបត់ឆ្វេងឆ្លងផ្លូវត្រឡប់ក្រោយវិញ ខណៈពេលដែលបត់ជិតផុតទៅហើយ ស្រាប់តែមានរថយន្តមួយគ្រឿងម៉ាក តូយ៉ូតាព្រូស ពណ៌ កាប់ស្តាំង គ្មានស្លាកលេខ បើកបរដោយបុរសម្នាក់ក្នុងទិសដៅបញ្រ្ចាសទិសគ្នាជាមួយម៉ូតូកង់បី និងក្នុងល្បឿនលឿន ជ្រុលទៅបុកចំពីក្រោយចំហៀងខាងស្ដាំម៉ូតូកង់បីពេញទំហឹង បណ្តាលឲ្យក្រឡាប់ផ្ងារជើងរងការខូចខាត និងអ្នកបើកបររងរបួសបែកក្បាល បញ្ជូនទៅកាន់មន្ទីរពេទ្យ ចំណែកឯរថយន្តបានរងការខូចខាតបែកកាងខាងមុខចំហៀងខាងស្ដាំ។
ក្រោយពេលកើតហេតុសមត្ថកិច្ច និងសមត្ថកិច្ចជំនាញ បានចុះធ្វើការវាស់វែងយករថយន្ត និងម៉ូតូកង់បីទៅរក្សាទុក នៅអធិការដ្ឋាននគរបាលខណ្ឌសែនសុខ ដើម្បីរង់ចាំដោះស្រាយទៅតាមផ្លូវច្បាប់នៅពេលក្រោយជាបន្តទៀត៕
![](https://i0.wp.com/cdn.pnm.news/2022/07/postnews.com.kh.2022-07-28_11-11-30.jpg?resize=640%2C480&ssl=1)
![](https://i0.wp.com/cdn.pnm.news/2022/07/postnews.com.kh.2022-07-28_11-11-34.jpg?resize=640%2C480&ssl=1)
![](https://i0.wp.com/cdn.pnm.news/2022/07/postnews.com.kh.2022-07-28_11-11-42.jpg?resize=640%2C480&ssl=1)
![](https://i0.wp.com/cdn.pnm.news/2022/07/postnews.com.kh.2022-07-28_11-11-54.jpg?resize=640%2C480&ssl=1)
![](https://i0.wp.com/cdn.pnm.news/2022/07/postnews.com.kh.2022-07-28_11-12-00.jpg?resize=640%2C480&ssl=1)
![](https://i0.wp.com/cdn.pnm.news/2022/07/postnews.com.kh.2022-07-28_11-12-04.jpg?resize=640%2C480&ssl=1)
![](https://i0.wp.com/cdn.pnm.news/2022/07/postnews.com.kh.2022-07-28_11-12-09.jpg?resize=640%2C480&ssl=1)
![](https://i0.wp.com/cdn.pnm.news/2022/07/postnews.com.kh.2022-07-28_11-12-14.jpg?resize=640%2C480&ssl=1)
![](https://i0.wp.com/cdn.pnm.news/2022/07/postnews.com.kh.2022-07-28_11-12-19.jpg?resize=640%2C480&ssl=1)
![](https://i0.wp.com/cdn.pnm.news/2022/07/postnews.com.kh.2022-07-28_11-12-24.jpg?resize=640%2C480&ssl=1)
មតិយោបល់