-

រថយន្តដឹកកម្មករ-កម្មការិនីរោងចក្រ​ ពីរគ្រឿងបុកគ្នាពេញទំហឹង បណ្តាលឲ្យស្លាប់ម្នាក់ និងរងរបួសធ្ងន់ស្រាល៦នាក់ ​

កំពង់ស្ពឺ: ​យោងតាមផេក ស្នងការដ្ឋាននគរបាលខេត្តកំពង់ស្ពឺ បានឲ្យដឹងថា នៅថៃ្ង​០៣​ ខែសីហា​ ឆ្នាំ២០២២ វេលាម៉ោង​០៦និង៣១នាទី​ មានករណីគ្រោះថ្នាក់ចរា​ចរណ៍ ត្រង់ចំណុចផ្លូវជាតិលេ​ខ៤១​ គីឡូម៉ែត្រ​ ៣៨-៣៩ ​ស្ថិតក្នុងភូមិស្រែខ្ញែ ឃុំពោធិ៍ម្រាល ស្រុកបសេដ្ឋ ខេត្តកំពង់ស្ពឺ រថយន្ដ​០២គ្រឿង​ បើកបរក្នុងទិសដៅ​ស្របគ្នា​ពីត្បូងទៅជើង​ រថយន្ដម៉ាក​ហាន់ដាយ​ ពណ៌ស ​គ្មានស្លាកលេខ ​ម​កពីស្រុកជុំគីរី​ ខេត្តកំពត និងរថយន្តម៉ាកសាំយ៉ុង​ ពាក់​ស្លាកលេខ 2AD-​4695​ មកពីខេត្តតាកែវ បណ្តាលឲ្យស្លាប់ម្នាក់ និងរងរបួសធ្ងន់ស្រាល៦នាក់ ។

ករណីគ្រោះថ្នាកចរាចរណ៍ខាងលើនោះ មានរថយន្តកូរ៉េពណ៌​ស បើកវ៉ាជែងក្នុងស្ថានភាពគ្រោះថ្នាក់ទៅប៉ះរថយន្ត​តូរីសដែល​ដឹកកម្មករដូចគ្នា ប​ណ្ដា​លឱ្យ​ស្លាប់កម្មការិនីម្នាក់​ ឈ្មោះចាន់ណា ភេទស្រី នៅភូមិស្រែចែង​ ឃុំស្រែចែង​ ស្រុកជុំគីរី​ និងរងរ​បួ​សមនុស្ស៦នាក់​ស្រី (ធ្ងន់១នាក់) ។

ក្រោយកើតហេតុ ​សមត្ថកិច្ច​បានបញ្ជូនអ្នករបួស​ទៅមន្ទីរពេទ្យឯកជន ផ្សារត្រពាំងអណ្តើក ស្រុកត្រាំកក់ ខេត្តតាកែវ​ (កម្មករដែលរងរបួស គឺធ្វើការ​នៅរោងចក្រកាត់ដេរ វ៉ែនធូរ៉ា ស្រុកគងពិសី ខេត្តកំពង់ស្ពឺ ។

ក្រោយបង្កគ្រោះថ្នាក់​ អ្នកបើកបរបានចុះរត់គេចខ្លួន​បាត់ សមត្ថកិច្ចកំពុង​បន្ដស្រាវជ្រាវ​ រក​ម្ចាស់​រថយន្ត​ និងអ្នកបើ​ក​បរ​ដើម្បី​ចំណាត់ការ​តាមនីតិវិធីច្បាប់​ ៕

មតិយោបល់