ព័ត៌មានជាតិ

សមត្ថកិច្ចចុះបង្ក្រាបជាក់ស្តែង ករណីជួញដូរ និងប្រើប្រាស់ដោយខុសច្បាប់នូវសារធាតុញៀន ឃាត់ខ្លួនប្រុសស្រី ១៦នាក់

ភ្នំពេញ: យោងតាមផេកអធិការរដ្ឋាននគរបាលខណ្ឌជ្រោយចង្វារបានឲ្យដឹងថា នៅថ្ងៃទី០១ ខែកញ្ញា ឆ្នាំ២០២២ វេលាម៉ោង ២២:៣០នាទី ដោយអនុវត្តតាមបទបញ្ជា ឯកឧត្តម ឧត្តមសេនីយ៍ឯក អគ្គស្នងការរង និងជាស្នងការនគរបាលរាជធានីភ្នំពេញ និងលោកឧត្តមសេនីយ៍ត្រី គល់ យី ស្នងការរងទទួលផែនការងារប្រឆាំងគ្រឿងញៀន និង​លោកវរសេនីយ៍ទោ លៀក​ ចាន់រាបសា​ អធិការ នៃអធិការដ្ឋាននរគបាលខណ្ឌជ្រោយចង្វារ​ ដោយមានការសម្របសម្រួល​ ពី​លោក​ ទុង​ រតនា ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ឲ្យកម្លាំងសមត្ថកិច្ចការិយាល័យប្រឆាំងគ្រឿងញៀន សហការជាមួយកម្លាំងអធិការដ្ឋាននគរបាលខណ្ឌជ្រោយចង្វារ ចុះបង្ក្រាបជាក់ស្តែង ករណី “ជួញដូរ និងប្រើប្រាស់ដោយខុសច្បាប់នូវសារធាតុញៀន” នៅចំណុចក្រោយព្រះវិហារចាម ភូមិ១ សង្កាត់ជ្រោយចង្វា ខណ្ឌជ្រោយចង្វារ ឃាត់ខ្លួនជនសង្ស័យបានចំនួន ៖ ១៦នាក់(ស្រី០២នាក់) ។

+វត្ថុតាងចាប់យករួមមាន៖
១/-ក្រាមពណ៌សថ្លាសង្ស័យជាគ្រឿងញៀន ចំនួន:០៦កញ្ចប់ថង់
២/-ឧបករណ៍សំរាប់ប្រើប្រាស់គ្រឿងញៀនមួយចំនួន។

-បច្ចុប្បន្នជនសង្ស័យ រួមនឹងវត្ថុតាងខាងលើ នៅអធិការដ្ឋាននគរបាលខណ្ឌជ្រោយចង្វារ ដើម្បី​សាក​សួរបន្តនិងធ្វើនីតិវិធីបញ្ជូនទៅតុលាការ៕

មតិយោបល់