ព័ត៌មានជាតិ

ជនសង្ស័យ ៣នាក់ នាំគ្នាធ្វើសកម្មភាពផ្លោះរបងផ្ទះ លួចលុយ និងទ្រព្យសម្បត្តិ ត្រូវសមត្ថកិច្ចឃាត់ខ្លួនបានម្នាក់

កណ្ដាល: យោងតាមផេកការិយាល័យផ្សព្វផ្សាយតាមបណ្តាញសង្គមបានឲ្យដឹងថា ថ្ងៃទី​០២ ខែ​កញ្ញា ឆ្នាំ​២០២២​ វេលា​ម៉ោង ០៩:២០ នាទី​មានករណីអំពើលួច(កុំព្យូទ័រ​ Laptop )ចំណុចនៅភូមិ​កាប់លាវ ឃុំ​ទ្រា ស្រុកកណ្ដាល​ស្ទឹង​ ខេត្ត​កណ្ដាល​។

ជនសង្ស័យឈ្មោះ ឌឿន រតនា ភេទប្រុស អាយុ ១៥ឆ្នាំ មានទីលំនៅបច្ចុប្បន្នភូមិដូនវង្ស ឃុំទ្រា ស្រុកកណ្ដាលស្ទឹង ខេត្តកណ្ដាល មុខរបរ មិនពិតប្រាកដ (ឃាត់ខ្លួន​)។

វត្ថុ​តាំង​​ចាប់យក​រួម​មាន​៖
១.កុំព្យូទ័រ​ Laptop ម៉ាក​ ASUS ពណ៌​ខ្មៅ​ ០១​ គ្រឿង​
២.ឆ្នាំងសាក​ ០១
៣.ម៉ៅ​ ០១
៤.កាបូប​ស្ពាយ​ពណ៌​ ទឹក​ប៊ិច​ ០១

សម្ភារ:​បាត់​បង់​រួម​មាន​៖
–ប្រាក់​ដុល្លារ​ ៤៥០​ដុល្លារ​
–ប្រាក់​ខ្មែរ​ ៣៥០.០០០រៀល

នៅថ្ងៃទី០២​ ខែ​កញ្ញា​ ឆ្នាំ​២០២២​ វេលាម៉ោង​ ០៩:២០នាទី​ជនសង្ស័យ​បាន​ជិះ​កង់​តែម្នាក់ឯង​ចេញ​ផ្ទះ​របស់ពួកម៉ាក់ខ្លួន​ ពិក​ ភេទ​ប្រុស​ អាយុ​ ១៦​ឆ្នាំ​ ស្ថិត​នៅភូមិ​កាប់លាវ​ ឃុំ​ទ្រា​ ដើម្បី​ទៅផ្ទះ​របស់​ខ្លួន​ ពេល​ជិះ​កង់​ទៅដល់ចំនុច​ទំនប់​ប្រឡាយ​ក៏បាន​ជួប​នឹង​មិត្តភ័ក្រ្ត​ ០២នាក់​ទៀតដែលខ្លួន​ទើប​ស្គាល់​បាន​មួយ​អាទិត្យ​ បាន​ជិះ​ម៉ូតូ​មួយគ្រឿង​ម៉ាក​ Honda​ Dream​ ស៊េរី​ឆ្នាំ​ ២០២១​ពណ៌​ ខ្មៅ​ គ្មាន​ផ្លាក​លេខ​ ហើយ​បាន​យក​កង់​ទៅ​ទុក​ឲ្យ​ម្ចាស់​គេវិញ​ ហើយ​ជនសង្ស័យ​ទាំង​បីនាក់បានជិះ​ម៉ូតូ​មកក្នុង​ភូមិ​កាប់​លាវ​ ពេល​ជិះ​មកដល់​ចំនុច​ផ្ទះ​របស់​ជន​រងគ្រោះ​ ជនសង្ស័យ​ទាំង​បីនាក់ឃើញ​ម្ចាស់​ផ្ទះ​មិននៅ​ក៏​នាំគ្នា​ទុក​ម៉ូតូ​នៅឆ្ងាយ​ពី​ផ្ទះ​ជនរងគ្រោះ​ ហើយនាំគ្នា​ផ្លោះ​របង​ចូល​ទៅផ្ទះ​ជនរងគ្រោះ​ធ្វើ​សកម្មភាព​រើកកាយ​ លួច​យកលុយ​ចំនួន​ ៤៥០​ដុល្លារ​ លុយខ្មែរចំនួន​ ៣៥០.០០០រៀល​ និង​ Laptop មួយគ្រឿង​រួច​នាំ​គ្នា​ជិះ​ម៉ូតូ​ចេញ​ទៅ​ផ្ទះ​របស់ឈ្មោះ​ វិញ​ ពេល​នោះ​ជនសង្ស័យ​ ០២​នាក់ មិនស្គាល់​អត្តសញ្ញាណ​បាន​ឲ្យ​ជនសង្ស័យ​ឈ្មោះ​ ឌឿន​ រតនា​ យក​Laptop ទៅលាក់​ក្នុង​ព្រៃ​ ចំណែក​លុយ​ជនសង្ស័យ​ទាំង​ពីរ​នាក់​បានយកទៅហើយគេច​ខ្លួន​បាត់​ ចំណែក​ជនសង្ស័យ​ឈ្មោះ​ ឌឿន​ រតនា​ បានជិះ​កង់របស់​គេ​មក​សំងំ​ដេកក្នុង​ផ្ទះ​ លុះ​ដល់ម៉ោង​ ១១:០០នាទី​ក្រោយ​ទទួល​បាន​ព័ត៌មាន​កម្លាំង​ប៉ុស្តិ៍​នគរបាល​រដ្ឋ​បាល​ទ្រា​ បាន​ឃាត់​ខ្លួន​ជនសង្ស័យ​រួម​ទាំង​វត្ថុតាង​បញ្ជូន​មកកាន់​អធិការ​ដ្ឋាន​នគរបាល​ស្រុក​កណ្ដាល​ស្ទឹង​ ដើម្បី​កសាង​សំណុំ​រឿង​តាម​នីតិ​វិធី​ច្បាប់៕

មតិយោបល់