កំពត: យោងតាមផេកផ្សព្វផ្សាយអប់រំ ស្នងការដ្ឋាននគរបាលខេត្តកំពតបានឲ្យដឹងថា ក្រោមការដឹកនាំបញ្ជាផ្ទាល់លោកឧត្តមសេនីយ៍ស្នងទោ ម៉ៅ ច័ន្ទមធុរិទ្ធ ស្នងការនគរបាលខេត្តកំពត កម្លាំងជំនាញ នៃអធិការដ្ឋាននគរបាលស្រុកអង្គរជ័យបានធ្វើការឃាត់ខ្លួនមុខសញ្ញាពាក់ព័ន្ធករណីឃាតកម្ម …។
ថ្ងៃអាទិត្យ ១១រោច ខែភទ្របទ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១១ ខែកញ្ញា ឆ្នាំ២០២២
កម្លាំងសមត្ថិកិច្ច ស្រុកអង្គរជ័យបានធ្វើការឃាត់ខ្លួនមុខសញ្ញា -ឈ្មោះ ស៊ន វ៉ាន់ឌឿន ភេទប្រុស អាយុ ៣១ឆ្នាំ ស្ថិតនៅខាងកើតវត្តអង្គចេក ភូមិតាកុក ឃុំតានី ស្រុកអង្គជ័យ ខេត្តកំពត។ ពាក់ព័ន្ធករណីឃាតកម្ម បណ្ដាលឲ្យជនរងគ្រោះ -ឈ្មោះ ឈៀក សុខា ភេទ ប្រុស អាយុ ៤៦ឆ្នាំ ស្លាប់ កាលពីថ្ងៃទី១០ ខែកញ្ញា ឆ្នាំ២០២២ វេលាម៉ោង ១៦:៤០នាទី នៅភូមិពោធិ៍ ឃុំភ្នំកុង ស្រុកអង្គរជ័យ ខេត្តកំពត។
បច្ចុប្បន្នកម្លាំងសមត្ថកិច្ច បានកសាងសំណុំរឿង និងបញ្ជូនទៅតុលារការដើម្បីចាត់ការតាមនីតិវិធី៕
មតិយោបល់