កំពង់​ស្ពឺ: យោងតាមផេកនាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិបានឲ្យដឹងថា ថ្ងៃសុក្រ ៥កើត ខែអស្សុជ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី៣០ ខែកញ្ញា ឆ្នាំ ២០២២ វេលាម៉ោង ៤និង២០​នាទីទៀបភ្លឺ​ មានករណីអគ្គិភ័យឆេះរោងចក្រ លីវតាន នៅចំណុចភូមិព្រៃកេះ ឃុំព្រៃវិហារ ស្រុកគងពិសី ខេត្តកំពង់ស្ពឺ ។

+​ រងការខូចខាត:
-​ ឆេះ​អគារ​ចំនួន​ ០១​ ខ្នង ទំហំ​ ៩៥x៥៤​ មែត្រ​ ធ្វើអំពីដែកប្រក់សង្គ័សី ។
-​ ឆេះម៉ាស៊ីនដេរចំនួន​ ៣០០​ គ្រឿង​ និងឆេះសម្ភារះជាច្រើនទៀត មិនទាន់ដឹងចំនួនច្បាស់កំពុងសាកសួរបន្ត ។
+​ មូលហេតុ:​ កំពុងបន្ត​ការ​ស្រាវជ្រាវ ។
+ក្នុង​ប្រតិបត្តិការ​នេះយើងបានប្រើប្រាស់កម្លាំងរួមចំនួន​ ៦២​នាក់​ រថយន្តពន្លត់អគ្គិភ័យចំនួន​ ១១​គ្រឿង​ ។
-​ កង​កម្លាំងការិយាល័យនគរបង្ការពន្លត់អគ្គិភ័យនិងសង្គ្រោះចំនួន​ ០៩​នាក់ រថយន្តចំនួ​ន​ ០២​គ្រឿង​ ។
-​ កងកម្លាំងកងពលតូចលេខ៧០ ចំនួន​ ១៧​ នាក់ រថយន្តចំនួន​ ០៥​គ្រឿង​ ។
-​ កម្លាំងអធិការដ្ឋាននគរបាលស្រុកគងពិសីចំនួន ១៨​ នាក់​ រថយន្តចំនួន​ ០១​គ្រឿង​ ។
-​ កងកម្លាំងអធិការដ្ឋាននគរបាលស្រុកបសេដ្ឋចំនួន​ ០៦​ នាក់រថយន្តចំនួន​ ០១​គ្រឿង​ ។
-​ កងកម្លាំងអធិការដ្ឋាននគរបាលស្រុកត្រាំងកក់ ខេត្តតាកែវ ចំនួន​ ០៦​ នាក់​ រថយន្តចំនួន​ ០១​គ្រឿង​ ។
-​ កម្លាំងអធិការដ្ឋាននគរបាលស្រុកបាទី ខេត្តតាកែវ ចំនួន​ ​០៦​ នាក់​ រថយន្តចំនួន​ ០១​គ្រឿង ៕