ឧត្តរមានជ័យ: យោងតាមផេក អធិការដ្ឋាននគរបាលស្រុកអន្លង់វែង បានឲ្យដឹងថា នៅថ្ងៃទី៣០ ខែកញ្ញា ឆ្នាំ២០២២ វេលាម៉ោង ០៩និង៣០នាទីព្រឹក ក្រោមការដឹកនាំបញ្ជាផ្ទាល់ ពីលោកឧត្តមសេនីយ៍ទោ ហួត សុធី ស្នងការនគរបាលខេត្ត លោកវរសេនីយ៍ទោ ស៊ូ នូវ អធិការនគរបាលស្រុក បានដឹកនាំកម្លាំងជំនាញចុះស្រាវជ្រាវ ឈានដល់ការចាប់ឃាត់ខ្លួនជនសង្ស័យ និងបក្ខពួកជាបន្តបន្ទាប់សរុបចំនួន០៤នាក់ ពីបទអំពើហិង្សាដោយចេតនាមានស្ថានទម្ងន់ទោស និងដកហូតម៉ូតូ២គ្រឿង ( ម៉ាកហុងដាឌ្រីមសេរី ២០២១ ឡើងតែម២០២២ ពណ៌ខ្មៅ ពាក់ផ្លាកលេខកោះកុង 1C-8856 និងម៉ូតូម៉ាក EXCINTER ពណ៌ខ្មៅ ស៊េរី២០១៧ គ្មានស្លាកលេខ ) មានឈ្មោះដូចខាងក្រោម ៖
១- ឈ្មោះ ស៊ូន សៀវផាវ ហៅត្រា ភេទប្រុស អាយុ ២៣ឆ្នាំ រស់នៅអូរតាមែង ឃុំអន្លង់វែង ស្រុកអន្លង់វែង មុខរបរមិនពិតប្រាកដ ( ជាជនដៃដល់ ) ។ ២-ឈ្មោះ នាត ពន្លក ហៅ ពៅ ភេទ ប្រុស អាយុ ២៥ ឆ្នាំ រស់នៅភូមិអូរជីក ឃុំអន្លង់វែង ស្រុកអន្លង់វែង មុខរបរជាងពិដាន ។ ៣-ឈ្មោះ ព្រឿន សំណាង ហៅ ណាង ភេទ ប្រុស អាយុ ២១ ឆ្នាំ រស់នៅភូមិអូរគគីកណ្ដាល ឃុំលំទង ស្រុកអន្លង់វែង មុខរបរមិនពិតប្រាកដ ( ជាខ្លោង ) ។៤- ឈ្មោះ ឈឿម សុប៊ុន ហៅ ប៊ុន ភេទ ប្រុស អាយុ ២១ ឆ្នាំ រស់នៅភូមិលំទងថ្មី ឃុំលំទង ស្រុកអន្លង់វែង មុខរបរ មិនពិតប្រាកដ ។
ជនសង្ស័យ និងបក្ខពួកខាងលើនេះ បានធ្វើសកម្មភាពយកដំបងក្រលាស់វាយទៅលើជនរងគ្រោះឈ្មោះ ហ៊ីម ចន្ថា ភេទប្រុស អាយុ ២០ឆ្នាំ រស់នៅភូមិអូរគគីកណ្ដាល ឃុំលំទង ស្រុកអន្លង់វែង ខេត្តឧត្តរមានជ័យ មុខរបរ ជាងជួសជុលម៉ូតូ កាលពីថ្ងៃទី១៨ ខែកញ្ញា ឆ្នាំ២០២២ វេលាម៉ោង ១៧-១៥នាទី នៅចំណុចសួនមាត់បឹងអូរជីក ស្ថិតនៅភូមិថ្នល់កែង ឃុំអន្លង់វែង ស្រុកអន្លង់វែង បណ្ដាលឱ្យរងរបួលធ្ងន់ត្រង់ក្បាលបែកប្រវែង ៨ស.ម ដេរចំនួន០៨ថ្នេរ ។
ករណីខាងលើនេះ បច្ចុប្បន្នជនសង្ស័យ និងវត្ថុតាង បានកសាងសំណុំរឿងបញ្ជូនទៅកាន់សាលាដំបូងខេត្ត ដើម្បីចាត់ការតាមផ្លូវច្បាប់ ៕
មតិយោបល់