-

បុរសម្នាក់ផឹកស្រាស្រវឹងដើរឆ្លងទឹកអូរ បណ្ដាលឲ្យលង់ស្លាប់ នៅស្រុកថ្មគោល

បាត់ដំបង: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា នៅថ្ងៃទី០៦ ខែតុលា ឆ្នាំ២០២២ វេលាម៉ោង ០៦និង១២នាទី នៅចំណុចភូមិអូរតាគី ឃុំអូរតាគី ស្រុកថ្មគោល ខេត្តបាត់ដំបង មានករណីមនុស្សលង់ទឹកស្លាប់ចំនួន ០១ករណី។

ជនរងគ្រោះឈ្មោះ រឿន ណាវ ភេទប្រុស អាយុ ៥០ឆ្នាំ មានទីលំនៅភូមិអូរតាគី ឃុំអូរតាគី ស្រុកថ្មគោល ខេត្តបាត់ដំបង។

លោកវរសេនីយ៍ទោសេងលុចអធិការនគរបាលស្រុកថ្មគោល បានចាត់កម្លាំងចុះពិនិត្យទីកន្លែងហេតុ និងសាកសពព្រមទាំងសាកសួរបំភ្លឺសាក្សីជុំវិញកន្លែងកើតហេតុ។ ក្រុមការងារបានធ្វើការសន្និដ្ឋានបានថា ជនរងគ្រោះពិតជាស្លាប់ដោយសារលង់ទឹកពិតប្រាកដមែន។

មូលហេតុ ផឹកស្រាស្រវឹងដើរឆ្លងទឹកអូរ។

បច្ចុប្បន្នសាកសពជនរងគ្រោះ ត្រូវបានប្រគល់ជូនទៅឲ្យក្រុមគ្រួសារ ដើម្បីយកទៅធ្វើបុណ្យតាមប្រពៃណី៕

មតិយោបល់