មណ្ឌលគិរីៈ យោងតាមផេក ផ្សព្វផ្សាយអប់រំ ក្រសួងមហាផ្ទៃ បានឲ្យដឹងថា ក្រោមការដឹកនាំចង្អុលបង្ហាញ និងមានបទបញ្ជាពី លោកឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី ក្នុងការបង្ការបង្ក្រាបនិងទប់ស្កាត់ នូវរាល់បទល្មើសគ្រឿងញៀនគ្រប់ប្រភេទ នៅក្នុងទូទាំងខេត្តមណ្ឌលគិរី ។
កាលពីថ្ងៃទី១៥ ខែតុលា ឆ្នាំ២០២២ វេលាម៉ោង ១៥និង០៥នាទី កម្លាំងជំនាញការិយាលយ័ប្រឆាំងគ្រឿងញៀន សហការជាមួយកម្លាំង នៃអធិការដ្ឋាននគរបាលក្រុងសែនមនោរម្យ និងកម្លាំងប៉ុស្ដិ៍នគរបាលរដ្ឋបាលស្ពានមានជ័យ ដឹកនាំដោយលោកឧត្តមសេនីយ៍ត្រី ស៊ុម សោភ័ណ្ឌ ស្នងការរងទទួលបន្ទុកផែនការងារប្រឆាំងគ្រឿងញៀន និងមានការសម្របសម្រួលពីលោក ស៊ាវ ងីឈាន់ ព្រះរាជអាជ្ញារងអមសាលាដំបូងខេត្តមណ្ឌលគិរី បានចុះបង្រ្កាបករណីជួញដូរ រក្សាទុក នឹងប្រើប្រាស់គ្រឿងញៀនខុសច្បាប់បានចំនួន១ករណីនិង៣ទីតាំង ឃាត់ខ្លួនជនសង្ស័យបានចំនួន៥នាក់ ស្រ្តីចំនួន០១នាក់ រួមទាំងសំភារៈវត្ថុតាងមួយចំនួនដូចខាងក្រោម៖
ទីតាំងទី១ នៅចំណុចផ្ទះរបស់ឈ្មោះ ហួត រ៉ាឈីត ស្ថិតនៅភូមិចំការតែ សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី ។
ទីតាំងទី២ នៅចំណុចផ្លូវលំចូលចំការរបស់ឈ្មោះ លី វណ្ណថន ស្ថិតនៅភូមិ ដោះក្រមុំ សង្កាត់សុខដុម ក្រុងសែនមនោរម្យ ខេត្តមណ្ឌលគិរី ។ ទីតាំងទី៣ នៅចំណុចផ្ទះរបស់ឈ្មោះ លី វណ្ណថន ស្ថិតនៅភូមិកណ្តាល សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី ។
បង្រ្កាបបានករណីជួញដូរ រក្សាទុក ដោយខុសច្បាប់នូវសារធាតុញៀន នៅចំណុចផ្ទះរបស់ឈ្មោះ លី វណ្ណថន ស្ថិតនៅភូមិកណ្តាល សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី ។ ឃាត់ខ្លួនជនសង្ស័យបានចំនួន០៥នាក់ដូចខាងក្រោម៖
ទី១.ឈ្មោះ លី វណ្ណថន ភេទប្រុស អាយុ៣០ ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិ សង្កាត់កើតហេតុខាងលើ ពិនិត្យទឹកម៉ូត្រវិជ្ជមាន(+) ។ ទី២.ឈ្មោះ ឃឹម ដានី ភេទស្រី អាយុ ៣២ ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិសង្កាត់កើតហេតុខាងលើពិនិត្យទឹកម៉ូត្រវិជ្ជមាន (+) ។ ទី៣.ឈ្មោះ សំ មករា ភេទប្រុសអាយុ ៣០ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិកើតហេតុខាងលើពិនិត្យទឹកម៉ូត្រវិជ្ជមាន (+) ។ ទី៤.ឈ្មោះ ហួត រ៉ាឈីត ភេទប្រុស អាយុ២០ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិ ចំការតែ សង្កាត់ស្ពានមានជ័យក្រុងសែនមនោរម្យ ខេត្តមណ្ឌលគិរី ពិនិត្យទឹកម៉ូត្រ វិជ្ជមាន (+) ។ ទី៥.ឈ្មោះ បេន បុត្រ ភេទប្រុសអាយុ ១៩ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិដើមស្រល់ សង្កាត់មនោរម្យ ក្រុងសែនមនោរម្យ ខេត្តមណ្ឌលគិរី ពិនិត្យទឹកម៉ូត្រ វិជ្ជមាន (+) ។
ឆែកឆេរដកហូតបានចាប់យកសម្ភារៈវត្ថុតាងមួយចំនួនមានដូចខាងក្រោម៖ សារធាតុសង្ស័យជាសារធាតុញៀន មានសណ្ឋានជាក្រាមពណ៌សថ្លា ចំនួន២៤កញ្ចប់ក្នុងនោះមាន ២២កញ្ចប់តូច ០១កញ្ចប់ធំល្មម នឹង០១ កញ្ចប់ធំ ទម្ងន់ ១៩,៨២ ក្រាមថ្លឹងទាំងសំបក រថយន្តចំនួន ០១គ្រឿង ម៉ាក Land Rover ( ឡង់រ៉ូវ័រ )ស្លាកលេខ ភ្នំពេញ 2x 7243 ព៌ណទឹកប្រាក់ ទូរស័ព្ទដៃចំនួន ០៦គ្រឿង –ម៉ាក IPhone XS Max ពណ៌មាសចំនួន ០១ –ម៉ាក Vivo ចំនួន ០២គ្រឿង ពណ៌ ស នឹង ក្រហម –ម៉ាក SamSung ចំនួន ០២គ្រឿងពណ៌ ខ្មៅ នឹង មាស –នឹងម៉ាកHuawei ពណ៌ទឹកប៊ិច ចំនួន០១គ្រឿង ប្រាក់រៀលចំនួន ៣៥០០០០ (សាមសិបប្រាំម៉ឺនរៀល) ខ្សែកលោកហៈធាតុពណ៌លឿងចំនួន ០២ ខ្សែ ខ្សែដៃលោកហៈធាតុពណ៌លឿងចំនួន ០១ ខ្សែកាតចាក់វ៉ាក់សាំងចំនួន ០១ អត្តសញ្ញាណប័ណ្ណសញ្ជាតិខ្មែរចំនួន ០១ថង់សំរាប់វេចខ្ចប់ នឹងឧបករណ៍សម្រាប់ជក់ថ្នាំញៀនមួយចំនួន ។
ករណីនេះកម្លាំងការិយាល័យប្រឆាំងគ្រឿងញៀន និងអធិការដ្ឋាននគរបាលក្រុង កំពុងកសាងសំណុំរឿង និងចាត់ការតាមនីតិវិធីច្បាប់ ៕
មតិយោបល់