ភ្នំពេញ: នាវេលាម៉ោង១២និង១០នាទីយប់រំលងអធ្រាត្រឈានចូលថ្ងៃទី២១ ខែតុលា ឆ្នាំ២០២២ រថយន្ត Toyota Prius មួយគ្រឿង បើកបរខ្វះការប្រុងប្រយ័ត្ន រេចង្កូតជ្រុលទៅបុករថយន្តLexus GX470 មួយគ្រឿងបើកបញ្ច្រាសទិសដៅគ្នា បណ្ដាលឲ្យរងការខូចខាតយ៉ាងដំណំ ទីតាំងមុខក្លឹបកម្សាន្ត DOT ស្ថិតតាមបណ្ដោយផ្លូវ១៩៨៦ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។
ហេតុការណ៍៖ នៅមុនពេលកើតហេតុគេឃើញស្ត្រីម្នាក់ បើកបររថយន្ត Toyota Prius មួយគ្រឿង ពណ៌ទឹកប្រាក់ ពាក់ស្លាកលេខ ភ្នំពេញ 2BB-7247 ធ្វើដំណើរតាមបណ្ដោយផ្លូវ១៩៨៦ ទិសដៅពីកើតទៅលិច ក្នុងល្បឿនលឿន ពេលមកដល់ត្រង់ចំណុចកើតហេតុរេចង្កូតទៅបុករថយន្ត Lexus GX470 ពណ៌ស ពាក់ស្លាកលេខភ្នំពេញ 2AE-0513 បើកដោយបុរសម្នាក់ ក្នុងទិសដៅបញ្រ្ចាសគ្នា បណ្ដោយឲ្យរងការខូចខាត ។
នៅក្រោយពេលកើតហេតុ ភាគីទាំងពីរបានធ្វើការចរចាគ្នា ដោយភាគីខាងរថយន្ត Toyota Prius ព្រមយករថយន្ត Lexus GX470 ទៅជួសជុលដើម្បីបញ្ចប់រឿង ៕
មតិយោបល់