ភ្នំពេញ: នាវេលាម៉ោង០១និង០០នាទីយប់រំលងអធ្រាត្រឈានចូលថ្ងៃទី២៨ ខែតុលា ឆ្នាំ២០២២ មានករណីគ្រោះថ្នាក់ចរាចរណ៍ មួយបានកើតឡើង រថយន្តម៉ាក Masda BT-50 មួយគ្រឿង បើកបំពានភ្លើងសញ្ញាចរាចរណ៍ រួចជ្រុលទៅបុកម៉ូតូកង់បី មួយគ្រឿង កំពុងបើកឆ្លងកាត់ស្តុប បណ្តាលឲ្យរងការខូចខាតយ៉ាងដំណំ ទីតាំងត្រង់ចំណុចស្តុបផ្សារសំណង់១២ ស្ថិតតាមបណ្ដោយផ្លូវ១៨២ កែងនឹងផ្លូវ២៦៥ សង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ ។
ហេតុការណ៍៖ នៅមុនពេលកើតហេតុគេឃើញបុរសម្នាក់ បើកបរម៉ូតូកង់បីមួយគ្រឿងម៉ាក បាចា ពណ៌ស ពាក់ស្លាកលេខកំពង់ចាម1T-2154 ធ្វើដំណើរតាមបណ្ដោយផ្លូវ២៦៥ មានទិសដៅពីត្បូងទៅជើង ពេលមកដល់ត្រង់ចំណុចស្តុបកើតហេតុបានបើកឆ្លងកាត់ស្រាប់តែមានរថយន្តម៉ាក Masda BT-50 មួយគ្រឿង ពណ៌ស ពាក់ស្លាកលេខភ្នំពេញ 2BD-3463 បើកបរដោយបុរសម្នាក់ មានស្ត្រីពីរនាក់រួមដំណើរជាមួយ ធ្វើដំណើរតាមបណ្ដោយផ្លូវ១៨២ មានទិសដៅពីកើតទៅលិច ក្នុងល្បឿនលឿន បើកបំពានភ្លើងសញ្ញាចរាចរណ៍ជ្រុលទៅបុកម៉ូតូកង់បីពេញទំហឹង បណ្តាលឲ្យរងការខូចខាតយ៉ាងដំណំទាំងសងខាង ។
នៅក្រោយពេលកើតហេតុ ភាគីទាំងពីរបានចរចាគ្នា ដោយភាគីខាងរថយន្តចេញសំណងឲ្យទៅខាងម៉ូតូកង់បី ដើម្បីបញ្ចប់រឿង ៕
មតិយោបល់