-

កម្លាំងសមត្ថកិច្ចបង្ក្រាបមុខសញ្ញា៦នាក់ ពាក់ព័ន្ធ​ករណីបើកនិង​លេងល្បែង​ស៊ីសង​

​កំពង់ចាម: ​យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា នៅ​ថ្ងៃ​ទី​០១​ ខែតុលា​ ឆ្នាំ​២០២២​ វេលា​ម៉ោង​១៣​និង​៣០​នាទី​ បន្ទាប់​ពី​ទទួល​បាន​ព័ត៌មាន​ពី​ប្រជាពលរដ្ឋ​ លោក​ឧត្តមសេនីយ៍ទោ​ ឯម​ កុសល​ ស្នងការ​នគរបាល​ខេត្តកំពង់ចាម​ បាន​ចាត់តាំង​កម្លាំង​ជំនាញ​របស់​ផែន​ការងារ​នគរបាល​ព្រហ្មទណ្ឌ​ សហការ​ជាមួយ​កម្លាំង​ជំនាញ​របស់​អធិការដ្ឋាន​នគរបាល​ស្រុក​កំពង់សៀម​ និង​អាជ្ញាធរ​មូលដ្ឋាន​ ដោយ​ក្នុង​កិច្ច​ប្រតិបត្តិការ​ក្រោម​ការ​ដឹកនាំ​សម្របសម្រួល​នីតិវិធី​ផ្ទាល់​ពី​លោក​ សុធា​ ពិសិដ្ឋ​ ព្រះរាជអាជ្ញា​រង​នៃ​អយ្យការ​អម​សាលាដំបូង​ខេត្តកំពង់ចាម​ ចុះ​បង្ក្រាប​ករណី​ បើក​ និង​លេងល្បែង​ស៊ីសង​ខុសច្បាប់ ​(​ស៊ី​គូ​ភ្នាល់​ដាក់​ប្រាក់​)​ នៅ​ចំណុច​មាត់ច្រាំង​ទន្លេ​ ស្ថិត​នៅ​ភូមិ​ថ្មី​ ឃុំ​កៀន​ជ្រៃ​ ស្រុក​កំពង់សៀម​ ខេត្តកំពង់ចាម​ ។​

​ជា​លទ្ធផល​បង្ក្រាប​ចាប់​ឃាត់ខ្លួន​បាន​មុខសញ្ញា​ចំនួន​០៦​នាក់​ រួម​នឹង​វត្ថុ​តាង​មួយ​ចំនួន​ ។​

​បច្ចុប្បន្ន​ ជនសង្ស័យ​០៦​នាក់​ រួម​នឹង​វត្ថុ​តាង​ខាងលើ​ ត្រូវ​បាន​បញ្ជូន​មក​កាន់​ស្នងការដ្ឋាន​នគរបាល​ខេត្តកំពង់ចាម​ ដើម្បី​ចងក្រង​សំណុំរឿង​តាម​នីតិវិធី​ តាម​បញ្ជា​របស់​លោក​ សុធា​ ពិសិដ្ឋ​ ព្រះរាជអាជ្ញា​រង​នៃ​អយ្យការ​អម​សាលាដំបូង​ខេត្តកំពង់ចាម​ ៕

មតិយោបល់