-

អាណោចអាធ័មណាស់! យុវជន​ម្នាក់​បើក​គោ​យន្ត ដោយ​ខ្វះ​ការ​ប្រុង​ប្រយ័ត្ន​ បណ្តាល​ឲ្យ​គៀប​ជាប់នឹង​មែក​ចន្ទី​ស្លាប់​

​កោះកុង:​ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា យុវជន​ម្នាក់​ស្លាប់​បាត់បង់​ជីវិត​ភ្លាមៗ​ ដោយសារ​តែ​ឈរ​បើក​គោ​យន្ដ​ថយក្រោយ​មិន​ប្រយ័ត្ន ​បណ្តាល​ឲ្យ​កៀប​ក​នឹង​មែក​ចន្ទី​ ។​ ករណី​នេះ​បាន​កើតឡើង​នៅ​ថ្ងៃ​ទី​០១​ ខែវិច្ឆិកា​ ឆ្នាំ​២០២២​ វេលា​ម៉ោង​១២​និង​០០​នាទី​ថ្ងៃត្រង់​ ស្ថិត​នៅ​ភូមិ​ស្រែ​ត្រាវ​ ឃុំ​ថ្ម​ស​ ស្រុក​បូ​ទុម​សាគរ​ ខេត្តកោះកុង​ ។​

​សព​ជនរង​គ្រោះ​មានឈ្មោះ​ គួ​ង​ គួ​ក​ ភេទ​ប្រុស​ អាយុ​១៩​ឆ្នាំ​ មាន​ទីលំនៅ​ ភូមិ​ចម្លង​គោ​ ឃុំ​ថ្ម​ស​ ស្រុក​បូ​ទុម​សាគរ​ ។​

​តាម​ការ​បំភ្លឺ​របស់​សាច់ញាតិ​ជន​រង​គ្រោះ​ បាន​ឲ្យ​ដឹង​ថា​ មុន​ពេល​កើតហេតុ​ជន​រង​គ្រោះ​ បាន​បើកបរ​គោ​យន្ត​យក​មក​ចត​នៅ​ក្រោម​ដើម​ចន្ទី​ រួច​មួយសន្ទុះ​ក្រោយមក​ឡើងឈរ​បើក​ថយក្រោយ​វិញ ​ខ្វះ​ការ​ប្រុង​ប្រយ័ត្ន​ ទើប​ធ្វើ​ឲ្យ​ឲ្យដៃ​ចង្កូត​គោ​យន្ត​គៀ​បក​ជាប់​នឹង​មែក​ចន្ទី​ បណ្ដាល​ឲ្យ​ស្លាប់​ភ្លាមៗ ​នៅ​នឹង​កន្លែង​កើតហេតុ​ ។​

​ក្រោយ​ធ្វើ​កោសល្យវិច័យ​រួច​ សព​បាន​ប្រគល់​ជូន​ក្រុម​គ្រួសារ​ រៀបចំ​ធ្វើបុណ្យ​តាម​ប្រពៃណី​សាសនា​ ៕

មតិយោបល់