ព័ត៌មានជាតិ

​ករណី​គ្រោះថ្នាក់​ចរាចរណ៍​២​កន្លែង​ផ្សេង​គ្នា បណ្តាល​ឲ្យ​ស្លាប់​មនុស្ស​ម្នាក់​ និង​រង​របួសធ្ងន់​ស្រាល​៥​នាក់

​ពោធិ៍សាត់:​ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា​ នៅ​ថ្ងៃ​ទី​២​ ខែវិច្ឆិកា​ ឆ្នាំ​២០២២​ មាន​ករណី​គ្រោះថ្នាក់​ចរាចរណ៍​២​កន្លែង​ផ្សេង​គ្នា​នៅ​ក្នុងស្រុក​បាកាន​ បណ្តាល​ឲ្យ​ស្លាប់​មនុស្ស​១​នាក់​ និង​រង​របួសធ្ងន់​ស្រាល​ចំនួន​៥​នាក់​។​ ករណី​ទី​១​៖​ កើតឡើង​កាលពី​វេលា​ម៉ោង​១៤​និង​៤០​នាទី​ នៅ​ចំណុច​ផ្លូវ​ក្រាល​កៅស៊ូ ​ស្ថិត​នៅ​ភូមិ​ក្រសាំង​គ្រួ​ ឃុំ​បឹង​ខ្នារ​ ស្រុក​បាកាន​ បង្ក​ឡើង​ដោយ​ម៉ូតូ​ម៉ាក​វេ​វ​អាល់​ហ្វា​ ពណ៌​ខ្មៅ​គ្មាន​ស្លាក​លេខ​សណ្តោង​រ៉ឺ​ម៉ក​ បាន​បើកបរ​ក្នុង​ទិស​ដៅ​ពី​ត្បូង​ទៅ​ជើង​ដោយ​ឈ្មោះ​ យ៉ែ​ម​ យឿ​ន​ ភេទ​ប្រុស​ អាយុ​៥៦​ឆ្នាំ​ រស់នៅ​ភូមិ​កោះ​កែវ​ ឃុំ​ត្រពាំង​ជង​ (​ស្លាប់​នៅ​កន្លែង​កើតហេតុ​)​ និង​អ្នក​រួម​ដំណើរ​ជិះ​ពីក្រោយ​ ១.​ឈ្មោះ​ ហ៊ែ​ល​ សឿ​ន​ ភេទ​ស្រី​ អាយុ​៥៣​ឆ្នាំ​ រស់នៅ​ភូមិ​ជាមួយ​គ្នា​ (​របួស​បាក់​កដៃ​ឆ្វេង​),​ ២.​ឈ្មោះ​ យ៉ែ​ម​ ស្រី​នាថ​ ភេទ​ស្រី​ អាយុ​៤​ឆ្នាំ​ រស់នៅ​ភូមិ​ជាមួយ​គ្នា ​(​គ្មាន​របួស​),​ ៣.​ឈ្មោះ​ យ៉ែ​ម​ ចំណាន​ ភេទ​ស្រី​ អាយុ​១២​ឆ្នាំ​ រស់នៅ​ភូមិ​ជាមួយ​គ្នា ​(​គ្មាន​របួស​),​ ៤.​ឈ្មោះ​ យ៉ែ​ម​ មេ​សា​ ភេទ​ប្រុស​ អាយុ​៧​ឆ្នាំ​ រស់នៅ​ភូមិ​ជា​មួ​គ្នា ​(​គ្មាន​របួស​)​ ។​ លុះ​មក​ដល់​ចំណុច​កើតហេតុ​ខាងលើ ​បាន​ធ្លាក់​ជង្ហុក​រេ​ចង្កូត​ទៅ​ខាងឆ្វេង​បុក​របង​ផ្ទះ​ទុក​ចោល​របស់​ឈ្មោះ​ នឹម​ គ​ន្ធា​ ភេទ​ស្រី ​អាយុ​៣៦​ឆ្នាំ​ ស្ថិត​នៅ​ភូមិ​កើតហេតុ​ខាងលើ​ បណ្តាល​ឲ្យ​ឈ្មោះ​ យ៉ែ​ម​ យឿ​ន​ ស្លាប់​នៅ​កន្លែង​កើតហេតុ​ ។​

​ករណី​ទី​២​៖​ កើតឡើង​កាលពី​វេលា​ម៉ោង​១៧​និង​២៥​នាទី​ នៅ​លើ​ផ្លូវ​កៅស៊ូ ​ត្រង​ចំណុច​ផ្លូវ​កោង ​ស្ថិត​នៅ​ភូមិ​កំ​ប្រាក់​កូន​ ឃុំ​ខ្នារ​ទទឹង​ ស្រុក​បាកាន​ បង្ក​ឡើង​យុវជន​ឈ្មោះ​ ខា​ ភេទ​ប្រុស ​អាយុ​ប្រហែល​ជាង​២០​ឆ្នាំ​ រស់នៅ​ភូមិ​កោះ​កែវ​ ឃុំ​ត្រពាំង​ជង​ ស្រុក​បាកាន​ បាន​ជិះ​ម៉ូតូ​មួយ​គ្រឿង​ម៉ាក់ ​YAMAHA​ ពណ៌​ក្រហម​ ពាក់​ស្លាក​លេខ​កំពង់ចាម​ 1I-3871​ បើក​មក​ពី​ត្បូង​ទៅ​ជើង ​(​ក្នុង​ស្ថានភាព​ស្រវឹង​គ្មាន​ពាក់មួក​សុវត្ថិភាព​)​ មក​ដល់​ចំណុច​ខាងលើ ​បាន​ជ្រុល​ចង្កូត​ធ្លាក់​ទៅ​ក្នុង​ប្រឡាយ​ទឹក​បណ្តាល​ឲ្យ​រង​របួសធ្ងន់​ ។​

​លោក​វរសេនីយ៍ឯក​ នាង​ វុ​ធ​ អធិការ​នគរបាល​ស្រុក​បាកាន​បាន​ឲ្យ​ដឹង​ថា​ ក្រោយ​ហេតុការណ៍​កើតឡើង ​កម្លាំង​នគរបាល​ជំនាញ​បាន​ចុះ​ទៅ​ពិនិត្យ​ដល់​កន្លែង​កើតហេតុ​ និង​បាន​ធ្វើ​កំណត់ហេតុ​ប្រគល់​សាកសព ​ទៅ​ឲ្យ​ក្រុម​គ្រួសារ​យក​ទៅ​ធ្វើបុណ្យ​តាម​ប្រពៃណី​ ។​ ចំពោះ​អ្នក​រង​របួសធ្ងន់​ត្រូវ​បាន​កម្លាំង​នគរបាល​ជំនាញ​ចរាចរណ៍​ និង​ក្រុម​គ្រូពេទ្យ​បញ្ជូន​ទៅ​សង្គ្រោះ​បន្ទាន់​នៅ​មន្ទីរពេទ្យ​បង្អែក​ស្រុក​បាកាន​ ៕

មតិយោបល់