កោះកុងៈ យោងតាមផេកអគ្គស្នងការដ្ឋាននគរបាលជាតិបានឲ្យដឹងថា នៅយប់ថ្ងៃទី០៣ ខែវិច្ឆិកា ឆ្នាំ២០២២ វេលាម៉ោង០០និង៤៥នាទីរំលងអធ្រាត្រ កម្លាំងអធិការដ្ឋាននគរបាលក្រុងខេមរភូមិន្ទ នៃស្នងការដ្ឋាននគរបាលខេត្តកោះកុង បានឃាត់ខ្លួនក្មេងទំនើង ៣នាក់ ជិះម៉ូតូមានអាវុធក្នុងដៃ និងលាក់អាវុធនៅតាមខ្លួន ពេលដែលកងកម្លាំងកំពុងចេញល្បាតក្នុងភូមិសាស្ត្រ ស្ថិតនៅចំណុចភូមិ៣ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង ។
ជនសង្ស័យមានឈ្មោះ ១-ណាត់ សុខណា (ហៅក្តាន់) ភេទប្រុស អាយុ ២០ឆ្នាំ មុខរបរកម្មករនេសាទ(អ្នកកាន់អាវុធមុខស្រួច) ទីលំនៅភូមិ៣ ឃុំប៉ាក់ខ្លង ស្រុកមណ្ឌលសីមា ។ ២-ឈ្មោះ សួរ គីរីន ភេទប្រុស អាយុ ១៦ឆ្នាំ មុខរបរនៅផ្ទះ (មានកាំបិតបុ័ងតោជាប់ខ្លួន) ទីលំនៅភូមិ២ ឃុំប៉ាក់ខ្លងស្រុកមណ្ឌលសីមា និង៣-ឈ្មោះ ពាន សុភ័ក្រ ភេទប្រុស អាយុ ១៧ឆ្នាំ មុខរបរកម្មករសំណង់ ទីលំនៅភូមិ២ ឃុំប៉ាក់ខ្លង ស្រុកមណ្ឌលសីមា ។
ដកហូតវត្ថុតាង៖ ម៉ូតូ ១ គ្រឿង ; កាំបិតបុ័ងតោ១ និងកូនកាំបិតចុងស្រួច០១ដើម។
បច្ចុប្បន្ន កម្លាំងជំនាញបានកសាងសំណុំរឿងចាត់ការតាមនីតិវិធីច្បាប់ ៕
មតិយោបល់