ព័ត៌មានជាតិ

កម្លាំងជំនាញបង្ក្រាប និងឃាត់ខ្លួនជនសង្ស័យប្រុសស្រីខ្មែរ-វៀតណាម ៥នាក់ ករណីជួញដូរគ្រឿងញៀន

ព្រះសីហនុ: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា ជនសង្ស័យ០៥នាក់ ករណីជួញដូរគ្រឿងញៀន ត្រូវបានកម្លាំងជំនាញការិយាល័យនគរបាលប្រឆាំងគ្រឿងញៀន បង្រ្កាបនិងឃាត់ខ្លួនកាលពីពីថ្ងៃទី៣០ ខែវិច្ឆិកា ឆ្នាំ២០២២ រហូតដល់ថ្ងៃទី០១ ខែធ្នូ ឆ្នាំ ២០២២។

ជនសង្ស័យទាំង៥នាក់រួមមាន៖
១/ ឈ្មោះ សរិទ្ធ ឧត្តមមិនា ភេទប្រុស អាយុ ១៩ឆ្នាំ ជនជាតិ ខ្មែរ
២/ ឈ្មោះ រី រ៉ាដូ ភេទប្រុស អាយុ ១៩ឆ្នាំ ជនជាតិខ្មែរ
៣/ ឈ្មោះ TRAN THI THAO ភេទស្រី អាយុ ៣៤ឆ្នាំ ជនជាតិ វៀតណាម
៤/ ឈ្មោះ VUONG DINH NHAM ANH ភេទប្រុស អាយុ ៣១ឆ្នាំ ជនជាតិ វៀតណាម
៥/ ឈ្មោះ DANG VAN DAT ភេទប្រុស អាយុ ១៩ឆ្នាំ ជនជាតិ វៀតណាម ។

វត្ថុតាងដកហូតរួមមាន ៖ កញ្ឆាក្រៀមចំនួន ៨១កញ្ចប់, ថ្នាំញៀនកញ្ចប់ទំពាំងបាយជូរពណ៌ខៀវ ៥០កញ្ចប់, ថ្នាំញៀនកញ្ចប់សញ្ញាម្កុជពណ៌ឈាមជ្រូក ៤៧កញ្ចប់, ថ្នាំញៀនកញ្ចប់ពណ៌ក្រហមសញ្ញារូបសេះ ៤៥កញ្ចប់, ថ្នាំញៀនកញ្ចប់ពណ៌លឿង ៤កញ្ចប់, ម្ស៉ៅក្រាមសថ្លាសង្ស័យជាសារធាតុញៀនចំនួន ៣១៩កញ្ចប់, ថ្នាំគ្រាប់ពណ៌ក្រហមចំនួន ៨០៧គ្រាប់, ថ្នាំគ្រាប់ពណ៌ប្រផេះចំនួន ៦៤៥គ្រាប់, ថ្នាំគ្រាប់ពណ៌ទឹកសណ្តែកចំនួន ៨៩គ្រាប់, ថ្នាំគ្រាប់ពណ៌លឿងចំនួន ០៣គ្រាប់, ទូរសព្ទដៃចំនួន ៩គ្រឿង, ជញ្ជីងថ្លឹងចំនួន ៨គ្រឿង, សម្ភារ:វិច្ចខ្ចប់មួយចំនួន, លិខិតឆ្លងដែនចំនួន ១, កាតមួយចំនួន, ម៉ូតូចំនួន ០១គ្រឿង។

បច្ចុប្បន្ន ជនសង្ស័យខាងលើ កំពុងឃាត់ខ្លួននៅស្នងការដ្ឋាននគរបាលខេត្តព្រះសីហនុ ដើម្បីធ្វើការសាកសួរតាមនីតិវិធី៕

មតិយោបល់