ភ្នំពេញៈ នាវេលាម៉ោង១២និង៥០នាទីយប់រំលងអធ្រាត្រឈានចូលថ្ងៃទី០៣ ខែធ្នូ ឆ្នាំ២០២២ មានករណីគ្រោះថ្នាក់ចរាចរណ៍ មួយបានកើតឡើង បុរសម្នាក់បើករថយន្តឡង់គ្រីស័រ មួយគ្រឿង រេចង្កូតជ្រុលទៅបុករបាំងថ្មពុះចែកទ្រូងផ្លូវពេញទំហឹង បណ្តាលឲ្យបាក់អស់មួយកង់រងការខូចខាត ទីតាំងត្រង់ចំណុចមុខសាលាមត្តេយ្យទួលគោក ស្ថិតតាមបណ្ដោយផ្លូវ២៨៩ សង្កាត់បឹងកក់ទី១ ខណ្ឌទួលគោក រាជធានីភ្នំពេញ ។
ហេតុការណ៍៖ នៅមុនពេលកើតហេតុ គេឃើញបុរសម្នាក់ បើកបររថយន្តម៉ាកឡង់គ្រីស័រ មួយគ្រឿង ពណ៌ស ពាក់ស្លាកលេខ ភ្នំពេញ2BU-0809 ធ្វើដំណើរតាមបណ្តោយផ្លូវ២៨៩ មានទិសដៅពីត្បូងទៅជើង ក្នុងល្បឿនលឿន មកដល់ត្រង់ចំណុចកើតហេតុ បានជ្រុលចង្កូតទៅបុករបាំងថ្មពុះចែកទ្រូងផ្លូវពេញទំហឹងបាក់អស់១ផ្ទាំង ។ ចំណែករថយន្តរងការខូចខាតបាក់ក្រឡេកង់ខាងមុខចំហៀងខាងឆ្វេង បន្ទាប់មកតៃកុងរថយន្តបើកទៅមុខបាន៥០ម៉ែត្រ រថយន្តទៅមុខលែងរួច ហើយម្ចាស់បានចុះទៅជិះរថយន្តមួយគ្រឿងទៀតគេចខ្លួនបាត់ស្រមោល ។
នៅក្រោយពេលកើតហេតុ សមត្ថកិច្ចជំនាញបានចុះវាស់វែង យករថយន្តបង្កទៅរក្សាទុក នៅការិយាល័យចរាចរណ៍ជើងគោកនៃស្នងការដ្ឋាននរគបាលរាជធានីភ្នំពេញ ដើម្បីរង់ចាំធ្វើការដោះស្រាយទៅតាមផ្លូវច្បាប់ ៕
![](https://i0.wp.com/postnews.com.kh/wp-content/uploads/2022/12/postnews.com.kh.2022-12-03_11-36-25.jpg?fit=1000%2C750&ssl=1)
![](https://i0.wp.com/postnews.com.kh/wp-content/uploads/2022/12/postnews.com.kh.2022-12-03_11-36-26.jpg?fit=1000%2C750&ssl=1)
![](https://i0.wp.com/postnews.com.kh/wp-content/uploads/2022/12/postnews.com.kh.2022-12-03_11-36-28.jpg?fit=1000%2C750&ssl=1)
![](https://i0.wp.com/postnews.com.kh/wp-content/uploads/2022/12/postnews.com.kh.2022-12-03_11-36-29.jpg?fit=1000%2C750&ssl=1)
![](https://i0.wp.com/postnews.com.kh/wp-content/uploads/2022/12/postnews.com.kh.2022-12-03_11-36-30.jpg?fit=1000%2C750&ssl=1)
![](https://i0.wp.com/postnews.com.kh/wp-content/uploads/2022/12/postnews.com.kh.2022-12-03_11-36-32.jpg?fit=1000%2C750&ssl=1)
![](https://i0.wp.com/postnews.com.kh/wp-content/uploads/2022/12/postnews.com.kh.2022-12-03_11-36-33.jpg?fit=1000%2C750&ssl=1)
![](https://i0.wp.com/postnews.com.kh/wp-content/uploads/2022/12/postnews.com.kh.2022-12-03_11-36-34.jpg?fit=1000%2C750&ssl=1)
មតិយោបល់