-

មនុស្ស​ប្រុស​ស្រី​ក្មេង​ចាស់​ចំនួន​៤​នាក់​ ក្នុង​គ្រួ​សារបាន​ស្លាប់​ភ្លា​មៗ​ និង​ម្នាក់​ទៀត​របួសធ្ងន់​ ករណី​គ្រោះថ្នាក់​ចរាចរណ៍​ រវាង​ម៉ូតូ​និង​រថយន្ត​បុក​គ្នា​ នៅខេត្ត​ត្បូងឃ្មុំ​​ 

​ត្បូងឃ្មុំ:​ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា យ៉ាង​ហោច​ណាស់​ មនុស្ស​ប្រុស​ស្រី​ ក្មេង​ចាស់​ ចំនួន​៤​នាក់​ ក្នុង​គ្រួ​សារបាន​ស្លាប់​ភ្លា​មៗ​ និង​ម្នាក់​ទៀត​រង​របួសធ្ងន់​ ករណី​គ្រោះថ្នាក់​ចរាចរណ៍​ រវាង​ម៉ូតូ​ និង​រថយន្ត​បុក​គ្នា​ នៅ​ស្រុក​អូរ​រាំង​ឪ​ ខេត្ត​ត្បូងឃ្មុំ​។​ 

​សូម​បញ្ជាក់​ថា​​ នៅ​វេលា​ម៉ោង​១១​និង​១០​នាទី​ព្រឹក​ ថ្ងៃអាទិត្យ​ទី​៤​ ខែធ្នូ​ ឆ្នាំ​២០២២​ នៅ​លើ​ផ្លូវជាតិ​លេខ​១១​ ចន្លោះ​គីឡូ​ម៉ែ​ត្រ​លេខ​៧៦-៧៧​ មាន​ករណី​គ្រោះថ្នាក់​ចរាចរណ៍​កើតឡើង ​នៅ​ចំណុច​ភូមិ​៥៤​ ឃុំ​ទួល​សូ​ភី​ ស្រុក​អូ​រាំង​ឪ​ ខេត្ត​ត្បូងឃ្មុំ​ រវាង​ម៉ូតូ​និង​រថយន្ត​ បណ្តាល​ឲ្យ​មនុស​ស្លាប់​៤​នាក់​ ក្នុង​នោះ​មាន​ស្រី​២​នាក់​ និង​ របួសធ្ងន់​ កុមារី​១​នាក់​ ។​ 

​តាម​របាយការណ៍​សមត្ថកិច្ច​បាន​បញ្ជាក់​ឲ្យ​ដឹង​ថា​​ ជន​រង​គ្រោះ​ក្នុង​ហេតុការណ៍​នេះ​រួម​មាន​៖​ 
​ទី​១-​ឈ្មោះ​ រឿ​ន​ រី​ន​ ភេទ​ប្រុស​ អាយុ​៣៨​ឆ្នាំ​ ជា​(​ប្តី​)​ ជនជាតិ​ខ្មែរ​ (​ស្លាប់​ភ្លាមៗ​ &​ពាក់មួក​សុវត្ថិភាព​)
​ទី​២-​ឈ្មោះ​ គិ​ន​ ស៊ី​នូ​ អាយុ​៣៦​ ឆ្នាំ​ ជា​(​ប្រពន្ធ​)​ ជនជាតិ​ខ្មែរ​ រស់នៅ​ភូមិ​ស្លាបក្តោង​ ឃុំ​ជប់​ ស្រុក​ត្បូងឃ្មុំ​ ខេត្ត​ត្បូងឃ្មុំ​ (​ស្លាប់​ភ្លាមៗ​ &​ពាក់មួក​សុវត្ថិភាព​)​ ។ ​ទី​៣-​កូន​ឈ្មោះ​ រឿ​ន​ ស៊ី​ណេ​ត​ ភេទ​ស្រី​ អាយុ​១០​ឆ្នាំ ​(​ស្លាប់​ភ្លាមៗ​ &​ឥត​ពាក់មួក​សុវត្ថិភាព​)
​ទី​៤-​កូន​ឈ្មោះ​ រឿ​ន​ លី​ហេង​ ភេទ​ប្រុស​ អាយុ​៦​ឆ្នាំ​(​ស្លាប់​ភ្លាមៗ​ &​ឥត​ពាក់មួក​សុវត្ថិភាព​) ។ទី​៥-​កូន​ឈ្មោះ​ រឿ​ន​ សុខ​ណៃ​ ភេទ​ស្រី​ អាយុ​២​ឆ្នាំ​ (​របួសធ្ងន់​)​ ។​ 

​សមត្ថកិច្ច​បាន​បន្ត​ថា​​ ក្នុង​១​គ្រួសារ​ទាំង​៥​នាក់​ រស់នៅ​ភូមិ​មេលោង​ ឃុំ​ព្រៃ​ស្នៀត​ ស្រុក​ពារាំង​ ខេត្តព្រៃវែង ​។​
​បច្ចុប្បន្ន​សព​ជន​រង​គ្រោះ ​ត្រូវ​បាន​សមត្ថកិច្ច​ ប្រគល់​បងប្អូន​សាច់ញាតិ​ យក​ទៅ​ធ្វើបុណ្យ​តាម​ប្រពៃណី ​។​ ចំណែកឯ​កុមារ​ អាយុ​២​ ឆ្នាំ​ បាន​ជួយ​យក​ទៅ​សង្គ្រោះ​ នៅ​មន្ទីរពេទ្យ ​៕​

មតិយោបល់