បាត់ដំបង: យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា យុវជនម្នាក់បានសម្រេចចិត្តបញ្ចប់ជីវិតដោយចងកសម្លាប់ខ្លួន ដោយគ្រាន់តែម្ដាយមិននិយាយរក នៅថ្ងៃទី០៤ ខែធ្នូ ឆ្នាំ២០២២ វេលាម៉ោង ០១និង០០នាទីរំលងអធ្រាត្រ នៅចំណុចភូមិភ្នំប្រាំពីរ ឃុំបួរ ស្រុកភ្នំព្រឹក ខេត្តបាត់ដំបង ។
ជនរងគ្រោះឈ្មោះ ញ៉ាយ សុធារ៉ា ភេទប្រុស អាយុ២១ឆ្នាំ មានទីលំនៅភូមិភ្នំប្រាំពីរ ឃុំបួរ ស្រុកភ្នំព្រឹក ខេត្តបាត់ដំបង ។
ក្រោយពីទទួលបានព័ត៌មាន កម្លាំងនគរបាលផ្នែកជំនាញអធិការស្រុកភ្នំព្រឹក សហការជាមួយលោកគ្រូពេទ្យជំនាញ បានចុះត្រួតពិនិត្យនិងវិភាគទីកន្លែងកើតហេតុ លើជនរងគ្រោះឈ្មោះ ញ៉ាយ សុធារ៉ា ពិតជាចងកសម្លាប់ខ្លួនស្លាប់ពិតប្រាកដមែន ក្រោមមូលហេតុជនរងគ្រោះខឹងនឹងម្ដាយមិននិយាយរក ទើបចងកធ្វើអត្តឃាតសម្លាប់ខ្លួនឯងតែម្ដង ។
បច្ចុប្បន្នសាកសពជនរងគ្រោះ ត្រូវបានប្រគល់ជូនទៅឲ្យក្រុមគ្រួសារ ដើម្បីយកទៅធ្វើបុណ្យតាមប្រពៃណី ៕
មតិយោបល់