បាត់ដំបងៈ យោងតាមផេក ការិយាល័យផ្សព្វផ្សាយតាមបណ្តាញសង្គម បានឲ្យដឹងថា នៅថ្ងៃសៅរ៍ ៩រោច ខែមិគសិរ ឆ្នាំខាលតច្វាស័ក ព.ស. ២៥៦៦ ត្រូវថ្ងៃទី១៧ ខែធ្នូ ឆ្នាំ២០២២ វេលាម៉ោង០៨និង០៥នាទីព្រឹក នៅចំណុចក្រុមទី១២ ភូមិគារ១ ឃុំគារ ស្រុកមោងឫស្សី ខេត្តបាត់ដំបង មានករណីលង់ទឹកស្លាប់ម្នាក់ ជនរងគ្រោះឈ្មោះ ហាន រចនា ភេទស្រី អាយុ ០៥ ឆ្នាំ មានទីលំនៅភូមិគារ១ ឃុំគារ ស្រុកមោងឫស្សី ខេត្តបាត់ដំបង ។
តាមការបញ្ជាក់ពីសាច់ញាតិជនរងគ្រោះ បានអោយដឹងថា កុមារីបានដើរទៅលេងទឹកស្ទឹងពីខាងលិចផ្ទះ ចំងាយប្រហែល២០០ម៉ែត្រ ខណៈពេលឪពុកម្តាយទៅលក់ឥវ៉ាន់នៅផ្សារមោងឫស្សី ទុកកូននៅជាមួយបងនៅផ្ទះ ជាហេតុបណ្ដាលឲ្យកូនស្រីដើររអិលជើងចូលក្នុងទឹកស្ទឹងជ្រៅ លង់ទឹកស្លាប់បាត់បង់ជីវិតតែម្តង ។
ក្រោយពីទទួលបានព័ត៌មាន កម្លាំងនគរបាលផ្នែកជំនាញស្រុក សហការជាមួយលោកគ្រូពេទ្យជំនាញ បានចុះត្រួតពិនិត្យ និងវិភាគទីកន្លែងកើតហេតុខាងលើ ជនគ្រោះឈ្មោះ ហាន រចនា ពិតជាលង់ទឹកស្ទឹងស្លាប់ពិតប្រាកដមែន ។
បច្ចុប្បន្ន សាកសពជនរងគ្រោះត្រូវបានប្រគល់ជូនទៅឲ្យក្រុមគ្រួសារដើម្បីយកទៅធ្វើបុណ្យតាមប្រពៃណី៕
មតិយោបល់