-

បុរសម្នាក់បើកFord Ranger មួយគ្រឿង ពាក់ស្លាកលេខរដ្ឋ ជ្រុលបុកពីក្រោយរថយន្តPrius ត្រង់ចំណុចភ្លើងស្តុប បណ្តាលឲ្យរងការខូចខាត

ភ្នំពេញ:​ នា​វេលាម៉ោង​១១និង២០នាទីយប់​ថ្ងៃទី​២៣ ខែធ្នូ ​ឆ្នាំ​២០២២ មានករណីគ្រោះថ្នាក់ចរាចរណ៍ មួយបានកើតឡើង បុរសម្នាក់បើករថយន្ត Ford Ranger មួយគ្រឿង ក្នុងល្បឿន​លឿន ដោយ​ខ្វះការប្រុងប្រយ័ត្ន ​ជ្រុល​ទៅ​បុក​ពីក្រោយ​រថយន្ត Prius
​មួយ​គ្រឿង កំពុង​ឈប់ភ្លើង​ស្តុប​ ​​បណ្តាលឲ្យរងការខូចខាតទាំងសងខាង ត្រង់​ចំណុច​ស្តុប​ក្តាន់ពីរ​ ទីតាំងស្ថិតតាម​បណ្ដោយ​ផ្លូវ​សហព័ន្ធ​រុស្ស៊ី​ ​សង្កាត់​ស្រះចក​ ខណ្ឌ​ដូនពេញ រាជធានីភ្នំពេញ ​។

ហេតុការណ៍៖ ​នៅមុន​ពេល​កើតហេតុ​ គេឃើញ​បុរស​ម្នាក់​បើកបររថយន្តPrius​ មួយគ្រឿង ពណ៌​ទឹកប្រាក់​ ពាក់ស្លាកលេខ​ ភ្នំពេញ​2AU-1302 បើកបរមកដល់ត្រង់ចំណុច​កើតហេតុ ​បាន​ឈប់​រង់ចាំ​ភ្លើងស្តុប​​ចរាចរណ៍​ ​ពេល​នោះស្រាប់​តែមាន​រថយន្ត​មួយ​គ្រឿង​ទៀត​ម៉ាក​ Ford Rager ពណ៌ស​ ពាក់ស្លាកលេខ​ រដ្ឋ​ 13 2-1969 បើកបរ​ដោយ​បុរស​ម្នាក់​ ស្របទិសដៅគ្នា​តាម​ពី​ក្រោយ​ក្នុង​ល្បឿន​លឿន​ខ្វះ​ការ​ប្រុងប្រយ័ត្ន​​ជ្រុលទៅបុក​ពីក្រោយ​រថយន្ត​Prius​ពេញទំហឹង ​បណ្តាល​ឲ្យ​ក្រពឹត​ផ្នែក​ខាង​ក្រោយ​ ចំណែក​ឯ​រថយន្ត Ford Ranger រងការ​ខូចខាត​ក្រពឹត​កាង​ខាងមុខ​។

នៅក្រោយពេលកើតហេតុ ​ភាគី​ទាំងពីរ​ចរចា​គ្នា​មិន​ត្រូវ ​សមត្ថកិច្ចចុះ​មក​វាស់វែង​យក​រថយន្ត​ទាំង​ពីរ​គ្រឿង ​ទៅ​រក្សា​ទុក​នៅ​ការិយាល័យចរាចរណ៍ផ្លូវគោក ​នៃស្នងការដ្ឋាននរគបាលរាជធានីភ្នំពេញ ​ដើម្បីរង់ចាំ​ធ្វើការ​ដោះស្រាយ​តាម​ផ្លូវ​ច្បាប់​នៅពេល​ក្រោយ​ ​៕

មតិយោបល់