ភ្នំពេញៈ នាវេលាម៉ោង១០និង៤០នាទីយប់ថ្ងៃទី២៧ ខែធ្នូ ឆ្នាំ២០២២ មានករណីគ្រោះថ្នាក់ចរាចរណ៍ មួយបានកើតឡើង បុរសម្នាក់បានស្លាប់ពេលបញ្ជូនទៅសង្គ្រោះ និងបុរសម្នាក់ទៀតរងរបួសធ្ងន់ បន្ទាប់ពីជិះម៉ូតូ១គ្រឿង ជ្រុលទៅបុកពីក្រោយរថយន្ត ត្រង់ចំណុចស្តុបវត្តសំរោងអណ្ដែត ទីតាំងស្ថិតតាមបណ្ដោយផ្លូវហាណូយ សង្កាត់គោកឃ្លាង ខណ្ឌសែនសុខ រាជធានីភ្នំពេញ ។
ហេតុការណ៍៖ នៅមុនពេលកើតហេតុ គេឃើញបុរស២អ្នកជិះម៉ូតូ១គ្រឿង ម៉ាកនិច ពណ៌ស ពាក់ស្លាកលេខតាកែវ 1T-5084 ចេញពីកន្លែងធ្វើការទៅទិញអីហូបនៅផ្សារដីហុយ ធ្វើដំណើរតាមបណ្ដោយហាណូយ មានទិសដៅពីជើងទៅត្បូងក្នុងល្បឿនលឿន ពេលមក ដល់ចំណុចកើតហេតុ បានជ្រុលទៅបុកពីក្រោយរថយន្តម៉ាក សាំយ៉ុង មួយគ្រឿង កំពុងឈប់ស្តុបចរាចរណ៍ បណ្ដាលឲ្យបុរស២នាក់រងរបួសធ្ងន់ បន្ទាប់មករថយន្តគ្លីនិកមួយកន្លែងបានមកដឹកជនរងគ្រោះទៅសង្គ្រោះ ប៉ុន្តែជាអកុសលពេលដឹកតាមផ្លូវជនរងគ្រោះម្នាក់បានស្លាប់បាត់បង់ជីវិត ក្រោយមកមានសាច់ញាតិបានមកដល់និងស្រែកទ្រហោយំ ។
នៅក្រោយពេលកើតហេតុ សមត្ថកិច្ចជំនាញបានចុះធ្វើការវាស់វែង យកម៉ូតូទៅរក្សាទុកនៅអធិការដ្ឋាននគរបាលខណ្ឌសែនសុខ ចំណែកសពជនរងគ្រោះ សមត្ថកិច្ចបានប្រគល់ទៅក្រុមគ្រួសារយកធ្វើបុណ្យតាមប្រពៃណី ៕
មតិយោបល់