-

កម្លាំងនគរបាលស្រុកសង្កែ ធ្វើការឃាត់ខ្លួនជនសង្ស័យម្នាក់ ករណីលួចយកទ្រព្យសម្បត្តិពលរដ្ឋ​

បាត់ដំបង:​ យោងតាមផេក ការិយាល័យផ្សព្វផ្សាយតាមបណ្តាញសង្គម បានឲ្យដឹងថា​ នៅថ្ងៃព្រហស្បតិ៍ ៧កើត ខែបុស្ស ឆ្នាំខាល ចត្វាស័ក ព.ស. ២៥៦៦ ត្រូវថ្ងៃទី២៩ ខែឆ្នូ ឆ្នាំ២០២២ វេលាម៉ោង១១និង០០នាទី នៅចំណុចក្រុមទី០៥ ភូមិកំពង់ម្តោក ឃុំអូរដំបង២ ស្រុកសង្កែ ខេត្តបាត់ដំបង មានករណីអំពើលួច (លួចយកសម្ភារ:) មួយកើតឡើងបង្កដោយជនសង្ស័យ មិនស្គាល់អត្តសញ្ញាណបានធ្វើសកម្មភាព ចូលលួចយកទ្រព្យសម្បត្តិ​របស់ជនរងគ្រោះឈ្មោះ​ ភុត​ ភី​ ភេទប្រុស​ អាយុ ៤២ ឆ្នាំ​ មានទីលំនៅក្រុមទី០៥​ ភូមិកំពង់ម្តោក​ ឃុំអូរដំបង២​ ស្រុកសង្កែ​ ខេត្តបាត់ដំបង ​។

សម្ភារ:បាត់បង់មាន ខ្សែភ្លើងចំនួន ០២ដុំ​ (ខ្សែភ្លើងប្រវែង ៧០ម៉ែត្រ​០១ដុំ​ និងខ្សែភ្លើងប្រវែង ៣០ម៉ែត្រ០១ដុំ), ម៉ូទ័រកាត់ការ៉ូចំនួន០១, ចង្ក្រានហ្គាសតូច, ចំនួន០១, អង្រឹងក្រណាត់ចំនួន០១ ។

ក្រោយពីទទួលបណ្តឹងជនរងគ្រោះ លោកវរសេនីយ៍ទោ យុត តុងហូ អធិការនគរបាលស្រុកសង្កែ​ បានដឹកនាំកម្លាំងអធិការដ្ឋាននគរបាលស្រុកសង្កែ​ សហការជាមួយប៉ុស្តិ៍នគរបាលរដ្ឋបាល បានចុះធ្វើការស៊ើបអង្កេតស្រាវជ្រាវ កំណត់អត្តសញ្ញាណជនសង្ស័យ ឈានដល់ការនាំខ្លួនជនសង្ស័យម្នាក់ ឈ្មោះ រឿត​ បូរី​ ភេទប្រុស​ អាយុ២៨ឆ្នាំ​ មានទីលំនៅភូមិអូរមុនី១​ ឃុំអន្លង់វិល​ ស្រុកសង្កែ​ ខេត្តបាត់ដំបង ។ សមត្ថកិច្ចសាកសួរជនសង្ស័យ បានសារភាពថា ខ្លួនពិតជាបានធ្វើសកម្មភាព លួចពិតប្រាកដមែន ។

សម្ភារ:ដកហូតបានរួមមាន៖
-ចង្ក្រានហ្គាសចំនួន០១​
-អង្រឹងក្រណាត់ចំនួន០១​
-ខ្សែលួសស្ពាន់ចំនួន ០១គីឡូ០១ខាំ​ ​
-ថ្នាំញៀនប្រភេទមេតំហ្វេតាមីន​ (ម៉ាទឹកកក​ ICE) ចំនួន ០១ថង់ ។

នាពេលនេះ​ ជនសង័្សយខាងលើត្រូវបានកម្លាំងនគរបាលស្រុកសង្កែ​កសាងសំណុំរឿង បញ្ជូនទៅការិយាល័យជំនាញខេត្ត ដើម្បីចាត់ការបន្តតាមនីតិវិធី-ច្បាប់ ៕

មតិយោបល់