សៀមរាប : យោងតាមផេក អគ្គស្នងការដ្ឋាននគរបាលជាតិ ឲ្យបានដឹងថានៅថ្ងៃទី៤ ខែកុម្ភ: ឆ្នាំ២០២៣ វេលាម៉ោង១២និង៥២នាទី នៅចំណុចលើកំណាត់ផ្លូវជាតិលេខ៦ ស្ថិតក្នុងភូមិរលួសខាងលិច ឃុំរលួស ស្រុកប្រាសាទបាគង ខេត្តសៀមរាប មានករណីអគ្គីភ័យឆាបឆេះរថយន្តដឹកទំនិញមួយគ្រឿង ពណ៌ប៉ៃតង ស្លាកលេខសៀមរាប 2C-0373 ។ម្ចាស់រថយន្តឈ្មោះ មាស ហៅ ភេទប្រុស អាយុ៦៤ឆ្នាំ មានទីលំនៅភូមិសំរោង ឃុំសំរោង ស្រុកសូទ្រនិគម ខេត្តសៀមរាប ។ ករណីនេះបណ្តាលមកពីផ្ទុះកំប៉ុងស្ព្រាយថ្នាំពណ៌និងសាំងក្រអូបដែលនៅជិតគ្នាបណ្តាលឲ្យឆេះតែម្តង ។ការខូចខាតរួមមាន ៖ រថយន្តខូចខាតស្ទើរទាំងស្រុង ទូទឹកកកចំនួន១ ម៉ាស៊ីនបោកខោអាវចំនួន១ ចំណីត្រី១០ការ៉ុង សាំងក្រអូប ១០ប៊ីដុង ស្ព្រាយថ្នាំពណ៌៥០កំប៉ុង និងសម្ភារ:គ្រឿងបន្លាស់រថយន្តមួយចំនួនទៀត ។ករណីនេះកម្លាំងនគរបាលនៃអធិការស្រុកប្រាសាទបាគង បានដឹកនាំកម្លាំងចុះពន្លត់អគ្គិភ័យនេះដោយប្រើប្រាស់រថយន្តពន្លត់អគិ្គភ័យចំនួន១គ្រឿង ទើបគ្រប់គ្រងស្ថានការណ៍អគ្គីភ័យនេះបាន ៕
មតិយោបល់