ព័ត៌មានជាតិ

ករណីអគ្គិភ័យឆេះផ្ទះមួយខ្នងនៅភូមិថ្នល់កែង ឃុំប្រាំបីមុម ស្រុកថ្ពង​ ត្រូវបុរសជាប្ដីដុតដោយមិនដឹងមូលហេតុ

ខេត្តកំពង់ស្ពឺ​៖  យោងតាមផេក ការិយាល័យផ្សព្វផ្សាយតាមបណ្តាញសង្គម ថៃ្ង​ចន្ទ ១៤ រោច ខែផល្គុន ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី២០ ខែមីនា ឆ្នាំ២០២៣ មានករណី​អគ្គិភ័យ​ឆាបឆេះ​ផ្ទះមួយខ្នង​ នៅភូមិថ្ន​ល់កែង ឃុំប្រាំបីមុម ស្រុកថ្ពង ខេត្តកំពង់ស្ពឺ កាល​ពី​វេលាម៉ោង​ ១៣​និង៤០នាទី​ ដែលមានម្ចាស់ផ្ទះឈ្មោះ ស៊ីម ប៉ាវ ភេទប្រុស អាយុ ៣១ឆ្នាំ និងប្រពន្ធឈ្មោះ ហៀ​ង ហេង ​មិននៅផ្ទះទៅធ្វេីការ។
ទំហំនៃការខូចខាតឆេះផ្ទះអស់ចំនួន ១ខ្នង ទំហំ ៥មx៦ម ធ្វើអំពីឈើជញ្ជាំងស័ង្កសី ដំបូលប្រក់ស័ង្ក​សី​ ក្នុងនោះ​មានសម្ភារ:​មួយចំនួន​៖
-ឆេះគ្រែដេកចំនួន ១​
-ឆេះទូរចំនួន ១​
-ឆេះពូកដេកចំនួន ១
-អង្ករ ២៥គីឡូ
-ឆេះសំលៀកបំពាក់​ និងសម្ភារ:ប្រើប្រាស់ក្នុងផ្ទះទាំ​ងស្រុង។ តាមសេចក្ដីរាយការ​ណ៍ពី​សាក្សី​ បុរស​ម្ចាស់ផ្ទះឈ្មោះ ស៊ីម ប៉ាវ ជាអ្នកដុតដោយខ្លួនឯង ដោយពុំដឹ​ងអំពីមូលហេតុ​ បន្ទាប់​ពីធ្វេីសកម្មភាពរួចបានរត់គេ​ច​ ខ្លួនបាត់ រីឯប្រពន្ធទៅធ្វើការ។សមត្ថកិច្ចបានជួយអន្ដរាគមន៍ប្រើប្រាស់រថយន្តពន្លត់អគ្គិភ័យចំនួន ១គ្រឿង អស់ទឹកចំនួន ១រថយន្ត ទេីបអគ្គិភ័យរលត់​មិនបណ្ដាលឱ្យឆេះរាលដាលទៅ​ផ្ទះពលរដ្ឋ​ក្បែរគ្នា​ ៕

មតិយោបល់