អាសូរណាស់!ករណីរថយន្តកិនស្ត្រីម្នាក់បណ្តាលអោយស្លាប់ នៅក្រុងកំពត…

កំពត​: ថ្ងៃទី១៨ ខែមិថុនា ឆ្នាំ២០២៣ វេលាម៉ោង១២និង០៣នាទី មានករណីគ្រោះថ្នាក់ចរាចរណ៍មួយកើតឡើង​ លេីផ្លូវជាតិលេខ៣​ ត្រង់ចំណុចផ្លូវបំបែកជាបួនគល់ស្ពានកំពង់បាយត្រើយខាងកើត​ ស្ថិតក្នុងភូមិកំពង់បាយខាងជេីង​ សង្កាត់កំពង់បាយ​ ក្រុងកំពត​ ខេត្តកំពត​ ​ដែលមានទិសដៅស្របគ្នា​ បណ្តាលឲ្យមនុស្សស្លាប់០១នាក់​ (ស្រី)។
​ ១-អ្នកបេីកបររថយន្តបង្កឈ្មោះ​ លន​ វណ្ណា​ ភេទប្រុស​ អាយុ៥១ឆ្នាំ​ មានទីលំនៅភូមិច្រកឃ្លៃ​ ឃុំបន្ទាយមាសខាងលិច​ ស្រុកបន្ទាយមាស​ ខេត្តកំពត​ បេីកបររថយន្តម៉ាក HOHAN ប្រភេទក្បាលសណ្តោង​ ពណ៌ស ពាក់ផ្លាកលេខ​ ភ្នំពេញ​ 3F-8163 សណ្តោងរ៉ឺម៉កពណ៌ខៀវ ពាក់ផ្លាកលេខ​ ភ្នំពេញ​ 4B-0002 មានទិសដៅពីជើងទៅត្បូងមកដល់កន្លែងកើតហេតុ​ បានបត់ស្តាំកៀរម៉ូតូមួយគ្រឿង​ ដែលមានទិសដៅស្របគ្នា​ ចំកាងមុខផ្នែកខាងស្តាំនៃរថយន្ត បណ្តាលឲ្យម៉ូតូដួលចូលក្រោមរថយន្ត​កិនពីលេី រួចបានរត់គេចខ្លួនសំដៅទៅទិសខាងជេីង​ ដល់ចំណុចមុខសាលាពេទ្យភូមិភាគកំពត​ ចម្ងាយពីកន្លែងកេីតហេតុប្រហែល៥០០ម៉ែត្រ​ ទេីបសមត្ថកិច្ចឃាត់ខ្លួនបាន​ និងបានធ្វេីតេស្តរកសារធាតុញៀន​ លទ្ធផលវិជ្ជមាន។
​ ២-អ្នកបេីកបរម៉ូតូឈ្មោះ​ ឃុំ​ ផល្លា​ ភេទស្រី​ អាយុ៣៦ឆ្នាំ​ មានទីលំនៅភូមិត្រពាំង​ឬស្សី​ ឃុំដំណាក់សុក្រំ​ ស្រុកដងទង់​ ខេត្តកំពត បេីកបរម៉ូតូម៉ាក HONDA DREAM ពណ៌ខ្មៅ ពាក់ផ្លាកលេខ​ ភ្នំពេញ​ 1CR-4787 មានទិសដៅពីជេីងទៅត្បូង​ បណ្តាលឲ្យស្លាប់នៅនឹងកន្លែងកើតហេតុ​ សាកសពបានយកទៅតំកល់ទុកនៅមន្ទីរពេទ្យបង្អែកខេត្តកំពត​ រងចាំ​សាច់ញាតិ​មកទទួល។
​ អ្នកបេីកបររថយន្ត​ បាននាំខ្លួនមកកាន់ស្នងការដ្ឋាននគរបាលខេត្តកំពត​ ដេីម្បីរៀបចំឯកសារតាមនីតិវិធី។
​ វត្ថុតាងរួមមាន​ ម៉ូតូចំនួន០១គ្រឿង​ និងរថយន្តសណ្តោងរ៉ឺម៉ក​ចំនួន០១គ្រឿង​ បានយកមករក្សាទុកនៅប៉ុស្តិ៍ប្រចាំការ២៤ម៉ោងគល់ស្ពានត្រើយខាងកើត។
​