កំពង់ស្ពឺ:យោងតាមផេកស្នងការដ្ឋាននគរបាលខេត្តកំពង់ស្ពឺបានឲ្យដឹងថា នៅថ្ងៃទី២៩ ខែកក្កដា ឆ្នាំ២០២៣ វេលាម៉ោង ១៣.០០នាទី នៅលើផ្លូវលំ ត្រង់ចំណុចអូរពាមល្វា ឃុំចំបក់ ស្រុកភ្នំស្រួច ខេត្តកំពង់ស្ពឺ មានរថយន្ត០១គ្រឿង ម៉ាកសាំងយ៉ុង ពណ៌ទឹកក្រូចពាក់ស្លាកលេខ ភ្នំពេញ 2BI-9872 បើកបរដោយឈ្មោះ សួន ច័ន្ទរាសី ភេទស្រី អាយុ៣៤ឆ្នាំ នៅសង្កាត់ស្រះចក ខណ្ឌដូនពេញ រាជធានីភ្នំពេញ ។តាមព័ត៌មានបញ្ជាក់ពីលោកវរសេនីយ៍ទោ ពៅ នឿន អធិការ ទទួលការងារចរាចរណ៍ នៃអធិការដ្ឋាននគរបាលស្រុកភ្នំស្រួច មុនកេីតហេតុរថយន្ដបើកបរពីទិសខាងកើតទៅទិសខាងលិច មកដល់ចំណុចខាងលើរថយន្តជាប់ផុងរួចបានរោទ៍ដេីម្បីរេីឲ្យផុតពីការជាប់ផុង (មូលហេតុមិនតាមបច្ចេកទេស) បណ្ដាលឱ្យឆ្លងចរន្តអគ្គីសនីឆេះរថយន្ត ប៉ុន្ដែករណីនេះមិនបង្កអោយមានគ្រោះថ្នាក់ដល់មនុស្សឡើយ រថយន្ដខូចខាតទាំងស្រុង ៕
ព័ត៌មានជាតិ
មតិយោបល់