ឧត្តរមានជ័យ:ប្រភពយោងតាមផេកអធិការដ្ឋាននគរបាលក្រុងសំរោងបានអោយដឹងថា ដោយមានការណែនាំ និងចង្អុលបង្ហាញពីសំណាក់ លោកឧត្តមសេនីយ៍ទោ ហួត សុធី ស្នងការ នៃស្នងការដ្ឋាននគរបាលខេត្តឧត្តរមានជ័យ នៅថ្ងៃទី០៥ ខែសីហា ឆ្នាំ២០២៣ ក្រោយពីបានទទួលព័ត៌មានពីជនរងគ្រោះ ឈ្មោះ ឃិន ដាលីន ភេទស្រី អាយុ ៣៦ឆ្នាំ ស្ថិតនៅភូមិបុរីរដ្ឋបាល សង្កាត់សំរោង ក្រុងសំរោង ខេត្តឧត្តមានជ័យ ថា៖ កាលពីថ្ងៃទី០៣ ខែសីហា ឆ្នាំ២០២៣ រំលងអាធ្រាត្រ នៅចំណុចភូមិបុរីរដ្ឋបាល សង្កាត់សំរោង ក្រុងសំរោង ខេត្តឧត្តរមានជ័យ មានករណី លួចបង្កឡើងដោយជនសង្ស័យមិនស្គាល់អត្តសញ្ញាណ បានឆ្លៀតឱកាសម្ចាស់ផ្ទះមិននៅ និងមិនបានចាក់សោរផ្ទះ ចូលធ្វើសកម្មភាពគាស់ទ្វារបន្ទប់ នឹងគាស់សោរថតតុសំអាងលួចយកលុយ ចំនួន មួយលានរៀលជាង និងខ្សែរកមាស ចំនួន ១ ខ្សែរ ទម្ងន់ ៥ជី ។
ក្រោយពីទទួលបានពត៌មានលោកវរសេនីយ៍ឯក ហម ភិរម្យ អធិការ នៃអធិការដ្ឋាននគរបាលក្រុងសំរោង បានចាត់លោកវរសេនីយ៍ទោ សត្យា រ៉ូម៉េអ៊ូ អធិការរងទទួលផែនការងារនគរបាលយុត្តិធម៌ ដឹកនាំកម្លាំងជំនាញផែន សហការណ៍ជាកម្លាំងនគរបាលប៉ុស្តិ៍រដ្ឋបាលសំរោង ចុះដល់កន្លែងកើតហេតុធ្វើការពិនិត្យស្រាវជ្រាវ និងកំណត់មុខសញ្ញា រហូតឈានដល់ការឃាត់ខ្លួនជនសង្ស័យចំនួន ០២ នាក់ ។
មុខសញ្ញាខាងលើនេះបានឆ្លើយសារភាពថា ខ្លួនបានធ្វើសកម្មភាពលួចដែកចំនួន ០២ លេីក និងគាស់ផ្ទះចំនួន០១ លេីក ពេលដែរម្ចាស់ផ្ទះមិននៅ ។
បច្ចុប្បន្នជនសង្ស័យ ត្រូវបានកសាងសំណុំរឿងបញ្ជូនទៅកាន់ការិយាល័យព្រហ្មកំរិតស្រាល ដេីម្បីចាត់ការតាមនិតិវិធីច្បាស់ ៕
មតិយោបល់