សៀមរាប:ប្រភពយោងតាមផេកអធិការដ្ឋាននគរបាលក្រុងសៀមរាបបានអោយដឹងថា លោកវរសេនីយ៍ឯក ដា ចំរើន អធិការក្រុងសៀមរាប ដឹកនាំកម្លាំងផ្នែកប្រឆាំងគ្រឿងញៀន ចុះបង្ក្រាប និងឃាត់ខ្លួនជនសង្ស័យ០២នាក់ ពីបទ “រក្សាទុក ជួញដូរ ចាត់ចែង និងប្រើប្រាស់ដោយខុសច្បាប់នូវសារធាតុញៀន” ។
(ក្រុងសៀមរាប)៖ នៅថ្ងៃអាទិត្យ៤កើត ខែស្រាពណ៏ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី២០ ខែ សីហា ឆ្នាំ២០២៣ វេលាម៉ោង ១០ និង៣០នាទី កម្លាំងផ្នែកប្រឆាំងគ្រឿងញៀននៃអធិការដ្ឋាននគបាលក្រុងសៀមរប ចូលរួមសហការណ៍ពីកម្លាំងការិយាល័យប្រឆាំងគ្រឿងញៀន ដឹកនាំបញ្ជាផ្ទាល់ដោយលោកវរសេនីយ៍ឯក ដា ចំរើន អធិការក្រុងសៀមរាប បានចុះបង្រ្កាបបទ រក្សាទុក ជួញដូរ ចាត់ចែង និងប្រើប្រាស់ដោយខុសច្បាប់នូវសារធាតុញៀន នៅចំណុចផ្ទះសំណាក់ មួយកន្លែង ស្ថិតនៅភូមិសាលាកំរើក សង្កាត់សាលាកំរើក ក្រុង/ខេត្តសៀមរាប បានឃាត់ខ្លួនជនសង្ស័យចំនួន ០២នាក់ ស្រី០១នាក់ :
១-ឈ្មោះ សូ ចរិយា ភេទស្រី ឆ្នាំកំណើត ២០០២ ជនជាតិខ្មែរ មុខរបរ លក់ដូរ មានទីលំនៅ ភូមិសាលាកំរើក សង្កាត់សាលាកំរើក ក្រុង ខេត្តសៀមរាប ។( រក្សារទុក ជួញដូរ និងប្រើប្រាស់ ) ( មានសារធាតុ ញៀននៅក្នុងខ្លួន)។
២-ឈ្មោះ មាឃ វណ្ណារ៉ូ ហៅតក់ ភេទប្រុស ឆ្នាំកំណើត ១៩៨៩ ជនជាតិខ្មែរ មុខរបរ ជាងបាញ់ថ្នាំឡាន មានទីលំនៅ ភូមិសណ្តាន់ សង្កាត់ទឹកវិល ក្រុង ខេត្តសៀមរាប ។( រក្សារទុក ចាត់ចែង នឹងប្រើប្រាស់ ) ( មានសារធាតុ ញៀននៅក្នុងខ្លួន)។
▪️ដកហូតវត្ថុតាង៖
-ម្សៅមេតំហ្វេតាមីនចំនួន ០២កញ្ចប់ស្មើនឹងទម្ងន់ ១០.៤៤ក្រាម(ទម្ងន់សុទ្ធ) ។
-ទូរសព្ទដែ ចំនួន០៣គ្រឿង។
-សម្ភារៈវេចខ្ចប់គ្រឿងញៀនមួយចំនួន។
▪️ជនសង្ស័យខាងលើ ត្រូវបានកសាងសំណុំរឿង បញ្ជូនទៅកាន់ការិយាល័យជំនាញដើម្បីបន្តនីតិវិធី ៕
↘️ ប្រសិនបើ បងប្អូនប្រជាពលរដ្ឋជួបបញ្ហាពាក់ព័ន្ធនឹងការងារសន្តិសុខ សណ្តាប់ធ្នាប់ សាធារណៈ
សូមទាក់ទងមកលេខប្រចាំការ២៤ម៉ោង/២៤ម៉ោង
️☎️ 097 778 0123 , 012 239 240
មតិយោបល់