សៀមរាប:លោកវរសេនីយ៍ឯក ដា ចម្រើន អធិការក្រុងសៀមរាប ដឹកនាំកម្លាំងផ្នែកនគរបាលយុតិ្តធម៌ ចុះបង្ក្រាប និងឃាត់ខ្លួនជនសង្ស័យ០២នាក់ ពាក់ព័ន្ធនឹងករណីអំពើលួចមានស្ថានទម្ងន់ទោសគាស់ទម្លុះទម្លាយ (គាស់ផ្ទះ និងហាង ) និងប្រើប្រាស់ដោយខុសច្បាប់នូវសារធាតុញៀន ។
(ក្រុងសៀមរាប)៖ ដោយមានការចង្អុលបង្ហាញពីសំណាក់លោកឧត្តមសេនីយ៍ទោ តេង ច័ន្ទណាត ស្នងការនគរបាលខេត្ត និងលោកវរសេនីយ៍ឯក នួន ស័ក្តិចំរេីនរិទ្ធ ស្នងការរងទទួលផែនការងារនគរបាលព្រហ្មទណ្ឌ ក្រោមការដឹកនាំបញ្ជាផ្ទាល់ដោយលោកវរសេនីយ៍ឯក ដា ចម្រើន អធិការនគរបាលក្រុងសៀមរាប ។
នៅថ្ងៃទី២៥ ខែសីហា ឆ្នាំ២០២៣ វេលាម៉ោង០១:៥៥ នៅចំណុចអាហារដ្ឋាន ចំនួន០២កន្លែងស្ថិតក្នុងភូមិមណ្ឌល១ សង្កាត់ស្វាយដង្គំ ក្រុង/ខេត្តសៀមរាប មានករណីអំពើលួចមានស្ថានទម្ងន់ទោស ( គាស់ស្រយ៉ូវទ្វារ ) បង្កឡើងដោយជន សង្ស័យចំនួន ០២នាក់ មិនស្គាល់អត្តសញ្ញាណ ជិះម៉ូតូ ០១គ្រឿង ម៉ាក M Slaz បានធ្វើសកម្មភាពគាស់ស្រយ៉ូវទ្វារហាង០២កន្លែងផ្សេងគ្នា ភូមិវត្តដំណាក់ សង្កាត់សាលាកម្រើក និងនៅភូមិមណ្ឌល១ សង្កាត់ស្វាយដង្គំ ក្រុង/ខេត្តសៀមរាប ។
ក្រោយពីទទួលពាក្យបណ្តឹងពីជនរងគ្រោះ លុះនៅថ្ងៃទី២៦ ខែសីហា ឆ្នាំ២០២៣ វេលាម៉ោង១២:០០នាទី សមត្ថកិច្ចយើងបានស្រាវជ្រាវ ឃាត់ខ្លួនជនសង្ស័យខាងលើ នៅចំនុចផ្ទះលើដីចំណីផ្លូវ ក្នុងក្រុមទី១៦ ក្នុងភូមិចុងកៅស៊ូ សង្កាត់ស្លក្រាម ក្រុង/ខេត្តសៀមរាប រួមជាមួយវត្ថុតាងមួយចំនួន និងម៉ូតូជនសង្ស័យធ្វើសកម្មភាព យកមកសួរនាំ ។ ក្រោយពីសួរនាំជនសង្ស័យ បានឆ្លើយសារភាពថា ខ្លួនបានធ្វើសកម្មភាពលួចគាស់ហាងខាងលើ ជាមួយបក្ខពួក ដោយខ្លួនជាអ្នកធ្វើសកម្មភាពយកដែកតួណឺវីសគាស់ស្រយ៉ូវទ្វា ហើយលួចយកសម្ភារ:ខាងលើពិតប្រាកដមែន ចំណែកបក្ខពួកជាអ្នកមើលផ្លូវ រីឯសម្ភារ:ដែលលួចបានខ្លួនយកទុក និងប្រាក់ ពួកខ្លួនចែកគ្នា និងទិញថ្នាំញៀនជក់អស់ ។ ហើយជនសង្ស័យបានឆ្លើយសារភាពទៀតថា ខ្លួនបានធ្វើសកម្មភាពលួចគាស់ផ្ទះ និងហាងក្នុងក្រុងសៀមរាប ចំនួន០៧ករណីទៀតផងដែរ ។
ឃាត់ខ្លួួនជនសង្ស័យចំនួន ០២នាក់៖
០១-ឈ្មោះ ដួង ឧត្តម ភេទប្រុស អាយុ៤១ឆ្នាំ មុខរបរមិនពិតប្រាកដ មានស្រុកកំណើតនៅភូមិតាភុល សង្កាត់ស្វាយដង្គំ ក្រុង/ខេត្តសៀមរាប និងបច្ចុប្បន្នស្នាក់នៅភូមិចុងកៅស៊ូ សង្កាត់ស្លក្រាម ក្រុង/ខេត្តសៀមរាប ( ចារី ) ធ្លាប់ជាប់ពន្ធនាគារខេត្តសៀមរាប ករណីអំពើលួច រយះពេល០២ឆ្នាំ ។
០២-ឈ្មោះ ស៊ាំ ស ភេទស្រី អាយុ៣២ឆ្នាំ មុខរបរមិនពិតប្រាកដ មានស្រុកកំណើតនៅភូមិត្រពាំងសេះ សង្កាត់គោកចក ក្រុង/ខេត្តសៀមរាប និងបច្ចុប្បន្នស្នាក់នៅភូមិចុងកៅស៊ូ សង្កាត់ស្លក្រាម ក្រុង/ខេត្តសៀមរាប ( សមគំនិត ) ។
ជនសង្ស័យខាងលើ ត្រូវបានកសាងសំណុំរឿង បញ្ជូនទៅកាន់ការិយាល័យជំនាញដើម្បីបន្តនីតិវិធី ៕
↘️ ប្រសិនបើ បងប្អូនប្រជាពលរដ្ឋជួបបញ្ហាពាក់ព័ន្ធនឹងការងារសន្តិសុខ សណ្តាប់ធ្នាប់ សាធារណ:
សូមទាក់ទងមកលេខប្រចាំការ២៤ម៉ោង/២៤ម៉ោង
️☎️ 097 778 0123 , 012 239 240
មតិយោបល់