តាកែវ:ប្រភពយោងតាមផេកអធិការដ្ឋាននគរបាលក្រុងដូនកែវបានឲ្យដឹងថា កាលពីថ្ងៃសៅរ៍ ទី២៦ ខែសីហា ឆ្នាំ២០២៣ វេលាម៉ោង១៣និង០៩នាទី មានករណីហិង្សាដោយចេតនានិងធ្វើឲ្យខូចខាតដោយចេតនា បង្កឡើងដោយជនសង្ស័យឈ្មោះ សុឹម ពិសាល ភេទប្រុស អាយុ៣០ឆ្នាំ មុខរបរមិនពិតប្រាកដ មានទីលំនៅបច្ចុប្បន្នមិនពិតប្រាកដ បានធ្វើសកម្មភាពយកដុំឥដ្ឋខ្យល់គប់ចូលទៅក្នុងផ្ទះជនរងគ្រោះចំនួន០២គ្រួសារ ជនរងគ្រោះទី០១/ឈ្មោះ ដុម បូរឹទ្ធ ភេទប្រុស អាយុ៤២ឆ្នាំ មុខរបរអាជីវករ មានទីលំនៅភូមិផ្សារតាកោ សង្កាត់រកាក្នុង ក្រុងដូនកែវ ខេត្តតាកែវ ប៉ុន្ដែមិនបណ្តាលឲ្យរងរបួសឡេីយ ទី០២/ឈ្មោះ សូ សៀន ភេទស្រី អាយុ៧០ឆ្នាំ មុខរបរនៅផ្ទះ មានទីលំនៅភូមិផ្សារតាកោ សង្កាត់រកាក្នុង ក្រុងដូនកែវ បណ្តាលឲ្យរងរបួសជេីងខាងស្ដាំត្រង់ភ្លៅ និងត្រង់ដំបូលផ្ទះធ្លុះ០១កន្លែង។ ក្រោយធ្វើសកម្មភាពភ្លាមៗជនសង្ស័យក៏បានរត់គេចខ្លួន ចំណែកជនរងគ្រោះក៏បានមកដាក់ពាក្យបណ្ដឹងនៅអធិការដ្ឋាននគរបាលក្រុងដូនកែវ។ ក្រោយបានទទួលពាក្យបណ្ដឹងរបស់ជនរងគ្រោះ ដោយអនុវត្តតាមបទបញ្ជាយ៉ាងម៉ឺងម៉ាត់ពីសំណាក់ លោកឧត្តមសេនីយ៍ទោ ឈាង ផាន់ណារ៉ា ស្នងការនគរបាលខេត្តតាកែវ និងមានការសម្របសម្រួលនីតិវិធីពីសំណាក់ ឯកឧត្តម ឯក ឆេងហួត ព្រះរាជអាជ្ញាអមសាលាដំបូងខេត្តតាកែវ ដឹកនាំបញ្ជាដោយលោកវរសេនីយ៍ឯក ឥន្ទ មណ្ឌល អធិការនគរបាលក្រុងដូនកែវ បានបញ្ជាឲ្យកម្លាំងជំនាញសហការជាមួយកម្លាំងប៉ុស្តិ៍នគរបាលរដ្ឋបាលរកាក្នុងចុះទៅដល់ទីតាំងកេីតហេតុនិងធ្វើការស្រាវជ្រាវ។ លុះវេលាម៉ោង១៧និង០០នាទី ថ្ងៃខែឆ្នាំដដែល សមត្ថកិច្ចយេីងក៏បានកំណត់មុខសញ្ញាបានរហូតឈានដល់ការឃាត់ខ្លួនជនសង្ស័យបាននៅចំណុចក្នុងវត្តសីហរតនារាម ស្ថិតនៅភូមិឡូរី សង្កាត់រកាក្នុង ក្រុងដូនកែវ យកមកអធិការដ្ឋាននគរបាលក្រុងដូនកែវ ដេីម្បីធ្វើការសាកសួរនិងកសាងសំណុំរឿងតាមនីតិវិធីច្បាប់៕
ព័ត៌មានជាតិ
មតិយោបល់